Thread: Exbii Ultimate Story Contest 2012 (Completed Contests)
View Single Post
  #57  
Old 24th August 2012
cool_guy1's Avatar
cool_guy1 cool_guy1 is offline
Jahan Chaah Wahan Raah
  IPL/CLT20 'Predict & Win' Contest: Predict & Win Contest      
Join Date: 14th January 2010
Location: In Your Heart
Posts: 35,501
cool_guy1 has disabled reputations
Send a message via Yahoo to cool_guy1
UL: 4518209929 DL: 18879642595 Ratio:
Apradhi Kaun

Apradhi Kaun

Har Ladki ka khwab hota hai ki uske sapno ka rajkumar ghode par aayega aur use byah kar le jaayega. Use apni palkon par bitha kar rakhega, uski har tamanna poori karega. Wo hansegi to wo bhi hansega, uske ishare par nachega, uski prashansha ke pul bandhta rahega, use bahut pyaar karega. Aisa hi kuch khwab Rajni ne bhi pala hua tha.

Rajni ek behad khubsurat aur teekhe nain naksh wali ladki thi jo apni maa ke saath gaon ke ek chote se ghar mein rehti thi. Umar koi 18-19 saal, rang doodh ki tarah gora, maasal ang, chehre par chamak aur hothon par muskaan liye ek chanchalta usme chipi huyi thi. Maa din bhar kheton mein kaam karti aur shaam ko maa-beti ek saath baithkar ek doosre ko pyaar se khaana khilate.

Rajni ki shaadi ko lekar uski maa aksar pareshan rehti thi. Kayi rishte aaye aur bagair koi baat bane chale bhi gaye. Kaaran tha to bas ye ki Rajni dekh nahin sakti thi. Ishwar ne use khubsurat to banaya tha lekin aankhon ki roshni usse cheen li thi. Ek gareeb ladki ke liye ye avgun hi tha aur is ek avgun ke chalte uske saare gun peeche choot jaate the. Ye to aise tha jaise makhmali chadar mein kisi ne taat ka paibandh laga diya ho. Jo bhi aata bas yahi jaankar ki wo dekh nahin sakti wapas, bagair koi jawab diye, laut jaata.

Rajni ka dil bhar jaata jab bhi koi rishta wapas jaata. Wo bhagwaan ko kosti ki use khubsoorat na banakar sirf aankhen de deta to uska kya jaata. Usse apni maa ki bechaini aur dard dekha nahin jaata tha lekin wo kar bhi kya sakti thi. Waqt aur halaat hi aise the.

Rajni ko ghar ke kaam ki aadat si ho gayi thi to aankhen na hote huye bhi wo ghar ka saara kaam kar leti thi. Isliye uski maa nischint hokar kheton mein chali jaati thi aur peeche se Rajni ghar ka saara kaam sambhal leti thi. Lekin bhagwaan ko shayad unki ye khusiyan bhi nahin bhayi. Ek din baarish bahut tej hone lagi jiski wajah se kheton ki munder bachane ke liye uski maa ko der raat tak kheton mein rukna pada.

Aksar maa shaam ko 7 baje ke lagbhag ghar aa jaya karti thi lekin us din 9 baj gaye lekin unka koi pata nahin. Rajni se jab aur intejar nahin hua to wo kamre se bahar aangan mein aa gayi ye dekhne ki maa aayi ya nahin lekin bahar to bhayanak sannata pasra huya tha. Rajni ko chinta hone lagi aur wo ghabra gayi ye soch kar ki maa kahan reh gayi. Rajni baarish mein bheeg rahi thi lekin use apni parwah kahan thi, use to chinta thi sirf apni maa ki jo is samay jaane kahan hogi, kis haal mein hogi.

Baarish mein bheegne se Rajni ka suit uske badan se chipak gaya tha jahan se uske shareer ka ek ek katav kisi ka bhi imaan dagmaga de. Halke peele rang ka suit jisme se uska yowan ek mook amantaran deta prateet ho raha tha, reh reh kar julfon ko peeche jhatakna, chehre se paani ki boondon ko pochna, chunni ko baar baar nichodna sab ek kamuk drishya hi jaise banta ja raha ho. Aisa hi shayad un do aankhon ko mehsoos ho raha tha jo kaafi der se Rajni ko ghoore jaa rahi thi. In sab se bekhabar Rajni baar baar apni maa ko awaaz de rahi thi ki shayad uski maa uski awaaz sun le aur jawab de de.

Thak haar kar jab Rajni apne kamre mein wapas lautne lagi to darwaje ke paas hi ek jodi haathon ne uska muh band kar apne kabje mein le liya. Rajni ek dum hadbada gayi. Uski samajh mein kuch nahin aa raha tha ki ye kya ho raha hai uske saath. Jab tak wo kuch samajh paati wo apne kamre mein giri padi thi aur sirf usne darwaja band hone ki awaaz suni. Us shaksh se usne bahut minnate ki, uske paon mein gir gayi lekin us jaanwar ko us par jara sa bhi reham nahin aaya. Rajni ka ro ro kar bura haal tha. Jab tak wo apne aap ko sambhal paati wo nirvastra (Nude) ho chuki thi. Usne apni ijaat bachane ki bahut koshish ki lekin us darinde ke aage uski ek na chali. Wo wahsi apne man mein chipi hasrat poori karta raha aur Rajni cheekhti chillati rahi. Gaon mein thoda abaadi se door hone ke kaaran uski awaaz us band kamre mein hi kaid ho kar reh gayi. Kuch hi der mein Rajni ek kone mein behosh padi thi apni luti hui aabru ke saath.

Thodi der baad jab baarish tham gayi to uski maa wapas aayi. Usne kundi khatkhatana chaha to dekha darwaja khula hai. Andar pahunchte hi jo usne dekha to uske rongte khade ho gaye. Maare dar aur ghabrahat ke uski cheekh nikal gayi. Kamre mein vahshipan ka wo khel khela gaya tha jiski kalpana bhi kisi ne nahin ki hogi. Saare farsh par khoon pada hua tha, ghar ka samaan jahan tahan bikhra pada tha aur sab se badtar halaat to Rajni ki thi jo behosh ek kone mein nirvastra padi thi Uski maa ko to kaato to khoon nahin jaisi haalat ho gayi thi.

Usne turant chilla chilla kar saare gaon walon ko jagaya aur apne pyaari beti ke saath huyi ghatna batayi. Gaon wale bhi sakte mein aa gaye ki aisi ghinoni harkat aaj tak us gaon mein nahin huyi thi to aakhir ye kiya kisne. Ek bechari andhi ladki ki ijaat se khilwaad karke kisi ko kya mila hoga.

Saare gaon mein ye baat aag ki tarah fail gayi. Rajni ko bhi hosh aa gaya tha lekin dard ke kaaran usse utha nahin ja raha tha. Jitna usne rona tha wo us darinde ke saamne ro li thi lekin ab to jaise wo ek khamosh gudiya ki tarah ho gayi thi. Kal tak jo hansti khelti, naachti gungunati thi aaj uski ek awaaz ko sunne ke liye uski maa ke kaan taras rahe the.

Jaldi hi ye khabar police tak bhi pahunch gayi aur police ki gaadi Rajni ke ghar par taftees ke liye pahunch gayi. Ab Rajni jo gehre sadme mein thi kya bolti aur uski maa ko jitna pata tha usne unhen bata diya. Police bayan note karke le gayi aur Rajni ko medical checkup ke liye hospital mein bhijwa diya gaya jahan usse balatkaar hone ki pushti bhi ho gayi.

Gaon ki ye naak ka sawal tha to sarpanch ne chauki ke police officer se us case ki jaanch padtaal apne haath mein lene ki iltaja ki. Unki iltaja ko maddenajar rakhte huye Pawan jo us chauki ka incharge tha usne unhen bharosa dilaya ki jald hi wo is case ko solve karke Rajni ko nyay dilwayega.

Usne apni taraf se chaanbeen shuru kar di. Rajni ke ghar par jaata to usse baat karne ki koshish karta taaki kuch pata chal sake. Lekin wo to jaise andhi ke saath saath goongi bhi ho gayi thi. Wo kaali raat uske man mein andar tak ghar kar gayi thi. Chah kar bhi wo use bhula nahin paa rahi thi. Pawan ne samajh liya ki is samay ise apnepan aur hamdardi ki jarurat hai tabhi wo kuch bata sakegi.

Kuch manchale ladkon ne taane bhi dena shuru kar diya tha Rajni ko. Koi kehta isi ne us aadmi ko bulaya hoga, koi kehta iska yaar hoga aur bhi na jane kitni hi tarah ki baatein usse sunni padti thi. Rajni ka ghar se bahar nikalna mushkil ho gaya tha. Maa bhi kitna logon ka muh band karati. Lekin Pawan ne aate hi sabse pehla kaam yahi kiya tha ki jo log aisi baatein kar rahe the unki akal thikane lagayi. Usne Rajni ko revolver bhi chalani sikhayi taaki waqt bewaqt jaroorat aan pade to wo self defense mein goli chala sake. Usne Rajni ko ek revolver bhi dilwayi apni pehchaan ke balboote par.

Pawan ne ab case ke baare mein usse baat karna band kar diya tha. Bas aata aur halki fulki baatein karta. Pehle to Rajni na kuch bolti thi na kuch react karti thi lekin dheere dheere usne baat karna shuru kar diya tha. Lekin abhi bhi wo sadme se poori tarah ubri nahin thi lekin uski maa ko is baat ki tasalli thi ki uski beti jo ghut ghut kar jee rahi thi ab fir se bolne lagi hai aur bhagwaan ne chaha to sab bhulakar fir se ek baar pehle ki tarah hansti khelti rahegi.

Rajni ke hothon par bhi ab muskaan aane lagi thi. Usne fir se ghar se bahar nikalna shuru kar diya tha. Lekin sawdhani ke taur par Pawan yaa uski maa jyadatar saath hote. Iske do karan the, pehla ki wo dekh nahin sakti thi aur doosra ki abhi bhi logon ka kuch kaha nahin ja sakta tha ki kab kaun kya anaap-snaap bak de. Lekin Pawan ki di huyi hidayat ke baad kisi ne is tarah ki koshish dubara nahin ki.

Rajni aur uski maa ko Pawan ek devta ke roop mein nazar aata tha jise bhagwaan ne unki sahayata ke liye bheja tha. Dono uska bahut samman karti. Ab jab Rajni thoda baat karne lagi thi to Pawan ne case aage badhane ke liye usse jaroori sawalaat kiye. Lekin Rajni na to usko dekh payi thi aur na hi us shaksh ne koi aisi awaaz nikali thi ya nishan chora tha jiske balbute par wo kisi natije par pahunch pata.

Kuch samay beetne ke baad Pawan ne Rajni ke ghar aana jaana thoda kam kar diya tha. Jis din bhi Pawan nahin aata Rajni bechain ho uththi. Kahin Pawan beemar to nahin ho gaya, kahin wo kisi musibat mein na fans gaya ho. Shayad ek pyaar ka ehsaas uske andar dheere dheere panap raha tha. Yahi ehsaas Pawan ko bhi ho raha tha isliye wo Rajni ka saamna karne se katra raha tha ki kahin wo ise apne liye hamdardi na samajh le.

Lekin koi kitni bhi koshish kar le dil par kisi ka zor nahin chalta. Dono ka ek doosre ke liye tadapna, hamesha ek doosre ki salamati ke liye prathna karna, na milne par udaas hona aur milne par khushi se jhoom uthna ye sab dono ke liye ek na bhulane wale pal the. Aakhir ek din Pawan ne mauka dekhkar Rajni se apne pyaar ka ikraar kar hi diya. Rajni jo khud kab se Pawan ko apne man mandir ka devta maan baithi thi ye sunkar itni khush ho gayi jaise use swarg ka khajana mil gaya ho. Sahi bhi hai pyaar bemol hai, iske saamne to kuber ka khajana bhi paththar ke samaan hai.

Takleef ek ko hoti thi to aansu doosre ke nikalte the, dard ek ko hota tha to uska ehsaas doosre ko hota tha. Agar khushi ka ek pal bhi dono ko ek doosre ke saath mil jaata tha to wo aise jeete the jaise sadiyan jee li hon. Rajni ka bholapan aur uski sundarta ne Pawan ka dil jeet liya tha aur Pawan ke vyaktitva aur uski hajir jawabi ne Rajni ke dil par kabza jama liya tha. Ab unhen na duniya ki parwah thi aur na hi kisi aur cheez ki.

Lekin kehte hain na pyaar saat taalon mein bhi band ho lekin fir bhi logon ki najron mein aa hi jaata hai. Dono ke prem prasango ki khabar bhi gaon mein udne lagi. Aakhir jab baat jyada badhne lagi to Pawan ne himmat karke Rajni ki maa se uska haath maang liya. Aakhir Rajni ki maa ko isse achha damaad kahan milta unhone apni gareebi ka hawala dete huye use turant sweekar kar liya. Pawan ne sab jimmedari apne upar lete huye unhen nischint kar diya.

Dono ki shaadi ki tayyariyan hone lagin. Lekin jaise jaise shaadi ka din najdeek aata ja raha tha Pawan ki bechaini badhti ja rahi thi. Wo shaadi ek jhoot ki buniyaad par nahin karna chahta tha. Uska zameer use jhakjhor raha tha. Usne aakhir himmat karke Rajni se baat karne ka faisla le hi liya. Halanki iska nateeza wo pehle se hi jaanta tha lekin apni kismat ko aajmaye bina wo kaise haar maan jaata.

Shaadi se ek din pehle wo raat mein Rajni se mila. Rajni ye jaankar hairan reh gayi ki Pawan usse milne aaya hai. Wo to kal ke sunhere sapno mein khoyi huyi thi. Kal uski shaadi hogi, uske sapne, jo wo aksar dekha karti thi, sakaar honge. Pawan ghodi par aayega aur use byah kar le jayega. Wahan wo apna khud ka ghar sajayegi. Achcha sa khana banakar Pawan ko apne haathon se khilayegi. Jab chauki se Pawan wapas aayega to uska darwaje par intejar karte huye milegi aur jaane aise kitne hi khyaal uske dilo-dimaag mein chal rahe the lekin Pawan ke yun achanak aane se un par viraam lag gaya.


Pawan uske paas aaya aur uske sirhane baith gaya. Kisi anhoni ki aashanka se Rajni ka dil bahut joron se dhadak raha tha. Jab Pawan kaafi der tak khamosh raha to Rajni se ruka nahin gaya aur usne poocha “Aap kuch kehte kyun nahin. Yun achanak yahan. Sab kushal se to hai na?”

“Haan! Sab theek hai. Tumse ek jaroori baat karni thi”

“Jee kahiye”

“Kaise kahun, kuch samajh nahin aa raha. Kahin tum naraaz na ho jayo. Mujhe chor kar na chali jayo isi dar se ruka hua hoon”

“Aap aisa kyun keh rahe hain. Jo bi kehna chahte hain jaldi bataiye. Mera dil baitha ja raha hai. Kahin kuch anarth na ho gaya ho mujhse”

“Anarth to ho hi gaya hai Rajni, lekin tumse nahin mujhse”

“Ye aap kya keh rahe hain. Main kuch samjhi nahin. Mujhe aap par poora vishwaas hai ki aap kabhi kisi ke saath kuch bura kar hi nahin sakte”

“Kisi ke upar itna vishwaas karna theek nahin hota”

“Aap kisi thode hi ho, aap to mere apne ho” Aur itna kehte hi ek sharm ki laali Rajni ke sunder mukhde par tair gayi.

“Kaash aisa hota! Tumhare saath balatkaar karne wale ka pata chal gaya hai”

“Kya! K..Kaun hai wo”

“Wo paapi tumhare saamne hai. Mujhse hi ye bhayankar paap huya tha”

“Nahinnn.. Keh do ki ye jhoot hai. Aap majak kar rahe hain mere saath”

“Kaash ye majak hota lekin main hamari nayi jindagi ki imarat ek jhoot ki buniyad par nahin bana sakta”

“Aap K.. Kaise”

“Jab meri yahan posting ka pehla din tha to jo relieving officer tha usne mujhe party di. Maine kabhi sharab ko haath bhi nahin lagaya tha lekin sab logon ki jid ke aage jhuk kar maine thodi si sharab pi li lekin wo sharab mujh par itna bura asar dalegi maine aisa socha bhi nahin tha. Wahan se nikalne ke baad main apni motorcycle par apne kamre ki taraf ja raha tha. Lekin tumhare ghar ke paas aate aate meri motorcycle band pad gayi. Maine bahut koshish ki lekin wo start nahin huyi. Main madad ke liye kisi ko khoj raha tha ki achanak meri najar tum par padi. Tum wahan kisi ka intejaar kar rahi thi”

Rajni ki aankhon mein ye sunte sunte aansu aa gaye the “Main wahan apni maa ka intejar kar rahi thi”

“Haan! Wahan tumhe khada dekh kar main to palak jhapakna hi bhool gaya tha. Tumhara khubsoorat badan, badi badi kaali aankhen, surahidar garden, ubhre huye vaksh, patli si kamar aur chaude kulhon ne mera imaan dagmaga diya. Jis insaan ne kisi aurat ko gandi najar uthakar tak nahin dekha tha aaj uski ijjat se khelega ye maine kabhi nahin socha tha lekin sharab aur tumhare yowan ke nashe ne saare sanskar, ache iraade taak par rakh diye aur mujh se wo galti ho gayi”

Tadaak.. ki awaaz us kamre mein goonj uthi “Tum use galti keh rahe ho. Tumne meri jindagi barbaad kar di. Jaante ho kitne dukh aur dard se gujri hoon main. Tumhare liye sirf ek choti si galti hogi lekin mere liye wo ek saja thi jo bhagwan ne mujhe bhent mein di thi”

“Nahin aisa mat kaho Rajni. Mujhe maaf kar do”

“Maaf kar dun. Tumne mere saare armaano par paani fer diya. Mera saara jeewan barbaad kar diya, tumhe maaf kar dun. Mujhe to apne aap se nafrat hone lagi hai. Is tan se nafrat hone lagi hai jo tumhari baahon mein sukoon pata tha, is man se nafrat hone lagi hai jo hamesha tumhare hi bare mein sochta tha, is dil se nafrat ho gayi hai jo tumse muhabbat kar baitha aur tum kehte ho maaf kar do”

“Rajni main manta hun ki maine bahut bada paap kiya hai lekin kya tum mujhe ek mauka nahin dogi taaki main uska paschatap kar sakun”

“Mauka, tumne mujhe mauka diya tha. Main tumhare saamne gidgidati rahi lekin tumhe to sirf shareer ki bhookh thi na. Isi shareer ko fir se pane ke liye hi tumne mere saath pyaar ka natak kiya aur jab kal shayad main tumhare palle bandh jaati to tum aaj aakar mujhse reham ki bheekh maang rahe ho. Tumse gira hua aadmi maine aaj tak nahin dekha. Thoo hai tum par”

“Rajni main tumhara gunehgaar hun. Tum jo sazaa mujhe dena chaho de sakti ho”

“Main kaun hoti hoon tumhe sazaa dene wali. Sazaa to mujhe milni chahiye jo ek gareeb ghar mein paida huyi. Main Apradhi hoon tumhari jo tumhare napak iraado ko kaamyabi ka jaama na pehna saki. Ho sake to mujhe maaf kar dena.”

Aur isse pehle Pawan kuch samajh paata Rajni apne bed ke drawer mein se revolver nikal leti hai. Pawan revolver dekh kar kuch kehte kehte khamosh ho jaata hai aur apni mehbooba ki taraf se maut ka uphaar lene ke liye dono baahein failakar aati maut ka intejar karta hai lekin jab tak wo kuch samajh paata tab tak Rajni ne khud ko goli maar li. Pawan hathprabh sa khada dekhta hi reh gaya.

“Sazaa to mujhe milni chahiye thi Rajni. Main Apradhi hun tumhara jiski wajah se tumne itne kasht sahe. Marna tumhe nahin mujhe chahiye tha. Main jeene layak nahin hun”

Aur itna kehkar ek aur goli chali jo Pawan ke pran uda le chuki thi.

Jab tak baaki log aate tab tak do laashon se karma saja pada tha.

Aakhir is sab mein Apradhi kaun hai. Pawan jisne Rajni ka balatkaar karke uska jeewan barbaad kar diya yaa fir Rajni jisne apni jindagi mein aaye pyaar ko thukrakar maut ko gale laga liya yaa fir waqt aur haalat in sab ke jimmedar hain?


THE END

Page generated in 0.00785 seconds