View Single Post
  #3841  
Old 20th December 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,106
Rep Power: 111 Points: 40959
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
ye kyaa kiyaa tumane …… inhe goli kyo maari …
Gataank se aage………..


Rohit :-“ (chid-chidaati awaaj me)tum dekh nahi rahi kyaa…. Ye silencer chadhaa kar pistol laayi thee to inakaa maksad kyaa ho sakataa thaa?? ”

Tab Niharika ka dhyaan gayaa ki pistol ki naal par jahaa se dhuwaa nikal rahaa thaa wahaa ek chhoti see naal bhee lagi thee jise ab Rohit ke kahane par usane silencer ke naam se pehchaanaa…..


Niharika :-“ par ye aaj aise bhala kyo tumhe maarane daud padi ..aur vo bhee din dahaade…… tumane inase kahaa kyaa jo ye is baat par utar aayee…….”


Rohit :-“are yaar(jhallaataa hua)…..jaisaa tumane kal kahaa thaa maine vaisaa hee karaa aaj….. inako apane kamare ki taraf aataa dekh kar maine inhe baat karane ke liye bulaayaa …. Fir maine inhe bataaya ‘ki kis tarah MANASI mujhe bulaa kar us makaan tal le gayi thee aur maine aapako waha dekh liyaa thaa’ ….. fir maine apani maa ke baare inase poochhaa’ vo sawaal sunate hee ye baukhalaa gayi …. Fir baahar chali gayi ….. thodi hee der me ye vaapas aayi aur mujh par pistol taan dee……. ”

Rohit bol hee rahaa thaa ki Sulochana ki karaahane ki aawaaj aayi vo palat rahi thee aur Rohit ki taraf dekh rahi thee ….. usaki aankho me Rohit ke liye nafrat saaf dikh rahi thee……. Usako palat’taa dekh kar Rohit chihunk kar Niharika ke aur paas ho gayaa…. Sulochana kuchh kahanaa chaah rahi thee par kamjori yaa dard ki vajah se usaki aawaaj nikaalane me use takleef ho rahi thee……


Rohit :-“(ghabraayi aawaaj me)dekho-dekho ye fir uth rahi hai…. Is baar ye jarur mujhe maar degi…. Abhee to maine jaise taise isake hath se pistol chhen lee thee par ek baar ye uth gayi to meraa kyaa hogaa ….. Niharika! Mujhe bachaa lo Niharika ! ai maranaa nahi chaahataa hu …. Mujhe meri maa ko bachaanaa hai ….. agar ye khatm ho jaayegi to Bhaiyyaa ki taakat aadhee rah jaayegi … fir unako handle karanaa bahut aasaan rahegaa….. Niharika! Tum sun rahi ho naa mai kyaa kah rahaa hu…..”

Niharika ke saamane sab kuchh bahut teji se ho rahaa thaa…samay bhaag rahaa thaa aur usake saamane abhee bhee duvidhaa apane vikaraal roop me khadi thee….. sochane ke liye jo vakt usako chaahiye thaa us par vo Rohit kaa jeevan daanv par lagataa nahi dekh sakati thee…….upar se Rohit kee baate usake kaano me pad kar use aur bhee udvelit kar rahi thee…. Usake sochane samajhane ki shakti kund pad rahi thee….. Rohit ki badhawaasi usake dimaag ko sthir nahi rahane de rahi thee……. Pistol Rohit ke haath se Kab usake haatho me aa gayi ..use samajh me bhee nahi aaya….. Sulochana abhe bhee uthane ki jaddojahad me kagi huyi thee….. usako uthataa dekh kar Rohit chillaayaa…..


Rohit:-“Ni-ha-ri-kaaaaaaaaaa!!!!!! Bachaa lo mujhe please………..”..


Rohit ke chillaane se Niharika ghabaraa gayi aur ….. “pitt-pitt” …..usake haath se goli chal gayi …. Silencer lage hone ki vajah sepistol ki aawaaj dab kar rah gayi…… Goli seedhi jaakar Sulochana ko lagi aur vo fir gir padi……Sulochana ko goli lagate hee Rohit ne Niharika ko gale se lagaa liyaa aur usako “thank U- thank U” bolane lagaa……Sulochana ki aankho me duniyaa bhar ki hairaani dikh rahi thee aur usake muh se nikalaa “mere saath dhokaa huaa hai”….. shaayad ye baat usane apani puri taakat lagaa kar boli thee kyonki ye shabd usake aakhiri shabd saabit hue…. Is baar jab vo giri to vo kabhee naa uthane ke liye giri thee…. Rohit Sulochana keg ire hue sharer ke paas jaa pahuchaa aur us par chillane lagaa……


Sulochana :-“tujhe kyaa lagaa thaa meri Niharika mujhe bachaayegi nahi…. Vo meri patni hai …har haal me meraa saath degi….. jaise tu deti hai saath APANE PATI kaa…. Ab mai akelaa nahi hu is ghar me ……”


Ye kah kar Rohit vaapas Niharika ke saamane aa kar usakaa dono haath apane haatho me pakad ke khadaa ho gayaa …


Rohit :-“ab kyaa soch rahi ho tum…ab to sab theek ho jaayegaa…..ab kis baat ki chintaa hai hume…. ”

Niharika!! jo ek tarah se sadme mekhadi thee , kisi but (statue) ki tarah …. Rohit ki baat su kar baukhalaa jaati hai……


Niharika :-“(jhallaaye hue swar me) tum paagal to nahi ho gaye ho ab sach-much me…… humaare haatho se khoon ho gayaa hai samajhe …… khoon …. Aur vo bhee Sulochana jee kaa ….. Rai sahab ko kyaa bologe…….”


Rohit ! jo ab Niharika ke saamane shant najar aa raha thaa…. . .. kuchh sochataa huaa…..


Rohit :-“ tumhe yaad hai maine ek baar kyaa kahaa thaa…. ”


Niharika :-“kyaa kahaa thaa??”


Rohit :-“TRUTH IS STRANGER THAN FICTION”

Rohit ne ye baat kuchh aise raaj-daaraanaa andaj me kahi thee ki Niharika to ek baar soch me pad gayi …..

Niharika :-“(jhalate hue)… aur abhee is baat ka kyaa matlab hai…..”


Rohit :-“hum Rai sahab yaani bhaiyyaa ko sab sach bataayenge….. par thodaa saa twist karake……. Sach ko maan’naa sabake liye asambhaw rahataa jaisaa hee rahataa hai ….. ”


Niharika :-“jaldi bolo jo bhee blanaa hai ….. yu gol gol baate karane ke liye humaarepaas vakt nahi hai….. kisi bhee vakt, koyi bhee aa sakataa hai……”


Rohit :-“kyo naa hum khud hee sabako bulaa le ……”


Niharika :-“matlab?”


Rohit ne us pistol se silencer hataa liyaa aur bola…


Rohit :-“ (behad rahsymayi andaaj me) ab is pistol se goli chalegi tab sabako sunaayi degi….. tum mere shelf me se ek aisaa hee pistol rakhaa huaa hai … usako nikaalo….. ab tum mujhe isase goli maar do ….. .. aur us pistol se kamare me 3-4 fire kar do …… jisakee aawaaj se sab yahaa aa jaayenge…… case banegaa self-defense kaa…. Samajhee…… ”


Niharika :-“ (thodaa hairaani aur thode gusse se)…. Ye sab pahale se hee plan kar rakhaa thaa kyaa……”


Rohit :-“ mai ek kaam karataa hu …. Ye goli mai apane sar me maar ke saaraa kissaa hee khatm kar detaa hu….. ”


Itanaa bol kar Rohit ne Niharika ke haath se pistol lene ke liye apanaa haath aage badhaataa hai ….. jise jhidak kar Niharika usake gale lag jaati hai….


Niharika :-“ is vakt meri kisi bhee baat kaa buraa mat maano Rohit ! mai sochane samajhane ki haalat me nahi hu….. ye sab itanaa aasan nahi hoga jitanaa tum samajh rahe ho ….”


Rohit :-“ aasaan kaun samajh rahaa hai…. Magar humeshaa ki tarah meraa dimaag mushkilo me teji se chal rahaa hai….. jo tumhe ajeeb lag rahaa hai aur tum mujh par shak kar rahi ho…….. huhhhh….. mujhe meri maa ki jaan ki fikra nahi hoti to mai hansate hansate ye iljaam apane sar par lekar faansee chadh jaataa ….. par abhee to mai marane ke liye bhee taiyyaar nahi hu….”


Niharika: “ kuchh sochate hue…….. vo pistol kahaa hai……”


Rohit :-“saamane waali almaari me hai ….. use le kar aawo aur kuchh kaam badi teji se karane hain tumhe ……. (ekdum se sochate hue)……. Tum mujhe is pistol se goli maar do …… yahaa mere kandhe par maarogi to mai sirf ghaayal hungaa par jyadaa chintaa waali baat nahi hogi.....jaldi karo humaare paas jyadaa vakt nahi hai……”


Niharika, Rohit ki bataayi jagah se pistol nikaal laayi aur Rohit ki taraf dekhane lagi………


Rohit :-“ mere fire karate hee tum bhee mere upar yahaa par goli chala denaa …. Ab sab kuchh bahut teji se karana hai …… kyonki ab goli chalane ki aawaaj sabako sunaayi degi…… ”


Ab vo pistol Rohit ko dene ke liye Niharika jaisee hee aage badhi usakaa pair Sulochana ki sandle se ulajh gayaa aur vo gir padi…….usako uthaane ke chakkar me Rohit usake paas aaya to use dono pistol ek saath jamen par giri dikhi … vo confuse hogayaa ki kis pistol se goli chal chuki hai aur kis se nahi……. Pistol ke magazine ko check karane par dono me hee 4-4 goliyaa baaki thee….. … “ ab kyaa kare” Niharika ne usase poochhaa …… vo log soch hee rahe the ki unako ghar ke naukaro ki aawaa-jahi shuru hone kaa ehsaas huaa ….


Rohit :-“ ab humaare paas vakt nahi hai ….. jo bhee hogaa dekhaa jaayegaa….tum goli chalaao…. ”


To be continued…….
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Page generated in 0.01654 seconds