View Single Post
  #3657  
Old 13th December 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,565
Rep Power: 113 Points: 41106
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
mujhe sab pataa hai Niharika …par mai aapake muh se sun’naa chaahtaa hu….



Gataank se aage……..

Niharika :- “ (hairaani se…..) par aapako ye sab kaise pataa hai…… usane to ye baat sirf mujhako he bataayi thee…..”


Hegade:-“ jee nahi….. sirf tumako hee nahi ….. tumako ‘bhee’ bataayi thee…..”

Niharika :-“ matlab vo sachmuch me…… (hairaani se sochate hue)…… hey Bhagwaan! ab mai kyaa karu….”


Hegade :-“ usakaa sach to baad ki baat hai abhee tum apane sach par dhyaan do ….. tumhari puri jindagi ab tumhare sach par nirbhar karati hai…..”

Niharika :-“ mere liye isase badi baat kyaa hogi ki mai ek paagal ke haatho pagal ban gayi……. Meraa to astitva hee bekaar hai yadi maine ek paagal ko apane saath itanaa sab kuchh karane diyaa….usane mujhe apane haatho ki kathputali banaa kar rakhaa aur mai ye baat samajh bhee nahi paayi…..”


Hegade :-“tumhe jyadaa afasos kis baat kaa hai…. Ek ‘so called’ paagal ke haatho paagal bana’ne kaa yaa apane haatho se kuchh galat karane kaa……”



Niharika :-“ dono kaa hee ….. par mai jyadaa afasos karungee ki maine galat kiyaa …khaas taur par Rai sahab aur Sulochana ji ko kasoorvaar samajh kar…..”

Hegade :-“ Rohit is suffering from a very critical mental disease called ‘schizophrenia’…… inhe aam bhaasha me to paagal kahate hain par ye aam paagalo se bahut alag hote hain…. Ye bade hee thande dimaag se planning kar sakate hain….. inakaa vyavhaar dekhane par bahut saamaanya rahataa hai par inake dimaag me jo galat fahamiyaa ye banaa kar rakhate hain usaki vajah se ye kab kyaa kar jaaye …. Koyi kuch nahi kah sakataa…. Sabase badi baat ki inaki ye beemaari jaldi diagnose bhe nahi ho paati…… jab tak hoti hai tab tak kaafi der ho chuki hoti hai….. ”

Apani baat puri karake vo thodi der Niharika ka reaction dekhate rahate hain par usaki taraf se koyi pratikriyaa naa milane par apani baat ko fir se jaari rakhate hue….



Hegade :-“ shaayad tumhe bhee apani beeti jindagi yaad nahi aa rahi ho par tumhaare sub-conscious mind me vo haadasaa kahi chhipaa ho aur khud par kisi anhoni ki aashankaa me tum khud ko protect karane ke liye kuchh bhee kar baithati hogi …..”

Niharika :-“ chaliye ek baar ko mai ye maan leti hu ki us Kundan laal kaa murder maine kiyaa thaa par hotel me jaakar us vyapaari ki hatya bhala mai kyo karungee… jabaki mujhe usase kisi bhee prakaar kaa khataraa he nahi thaa….”


Hegade :-“ ab ye baat to tumhaaree puri jaanch ke baad hee saamane aayegi ki aisaa honaa kis had tak sambhaw huaa ….”


Hegade aur Niharika ki baato ke dauraan hee wahaa Rai sahab kaa aanaa hua, jinhe dekh kar Niharika ko usakaa ‘guilt’ fir se pareshan karane lagataa hai…..aur vo Rai sahab kee najaro ki tab ko jhel nahi paati aur apanaa sar jhukaa leti hai…..


Rai sahab:-“ (hegade se mukhatib hote hue….) ap kisi aise nateeje par pahuche kyaa jahaase hume Niharika ke case me kuchh madad mil sake …… (pareshaani bhare swar me)…. Humaare liye behad jaruri hai ki hum apani ghar ki chhoti bahu ko bachaa sake varanaa hum apani chhoti maa ko kyaa jawaab denge……”


Hegade :-“ bhalaa mai us kaam me aapaki kyaa madad kar sakataa hu….”



Rai sahab :-“ aap hee to sab kar sakate hain…… aapaki expert opinion ke baad to sarkaari doctor bhee wahi kahegaa jo aap kahenge…..”


Hegade :-“ mai samajh rahaa hu ki aap kyaa chaahate hain mujhase par mujhe maaf kiiyegaa …. Mai wahi kahungaa yaa karngaa jo jaayaj hogaa…”


Rai sahab :-“ hegade saahab! Hume aapase bahut ummeede hain ….. sirf aapaki hee vajah se hum ab apani chhoti bahu ko bachaa sakate hain……”



Niharia, Rai sahab ki baate sun kar unake prati kiye gaye apane avishwaas se jameen me gadati huyi mehsoos kar rahi thee….. itanaa sab hone ke baawjood Rai sahab usaki aur usake pariwaar ki kitani madad kar rahe hain aur vo chheeeee…… use khud se hee ghrinaa ho rahi thee par ab baat usake haath se nikal chuki hai …. Lekin nahi!!!!! abhee bhee bahut kuchh baaki hai….. vo abhee soch hee rahi thee ki Rai sahab ki phone ki ghantee ne usaki sochane ki shrinkhalaa ko bhang kiyaa….



Rai sahab :-“ (phone par)…. Jee haa kahiye! Kaise phone kiyaa…. (hairaani se)kyaa! Nahi-nahi aisaa nahi ho sakataa……aap bluff to nahi maar rahe hain…. Hume pahale kyo nahi bataaya aapane…..???? hum abhee nikal rahe hain wahaa ke liye…. (phone ko jeb me rakhate hue)…Hey bhagwaan! naa jaane kyaa ho rahaa hai humaare aur humaare ajeejo ke saath”
Aur nikal padate hain kamare se baahar ……


*****-----*****-----*****


Dsp Bhaarat apan chamber me baithaa Sulochana murder case ki file dekh raha thaa …… usane Bhushan ke baare me bhee poochh-taanchh kari par usako bhushan kaa kuchh pataa nahi chalaa……. Bhushan kaa yu achanak gaayab ho jaanaa use bahut khal rahaa thaa…..Rai sahab ke ghar me sab naukaro yaa Rai sahab se poochane par yahi pataa lagaa ki us din aadhee raat ko hee vo Sulochana ke paas aakar apane kisi niji kaam ko bataa kar 2-3 din ki chhutti maang kar chala gayaa thaa….. usake ghar se koyi buri khabar usako mili thee jisaki vajah se vo apane gaanw yaani HAAJIPUR chala gayaa thaa….. usake baad se abhee tak usaki koyi khabar nahi mili kisi ko….. aaj subah hee Bhaarat ne Haajipur police se is maamale me madad maangee thee jisake jawaab me vo abhee bhee bekaraar thaa…. Bhaarat ko puraa yakeen thaa ki Bhushan ki is rahasymayi gumshudagi ke peechhe koy bahut badaa raaj hai……..


tabhee usakaa ek hawaldaar bhaagata huaa aata hai jise usane Bhushan ki monitoring par lagaa rakhaa thaa……
Hawaldaar ne aate hee usako jordaar salaam thonk kar jo khabar sunaayi use sun kar Bhaarat ke hosh hee ud gaye….. Bhushan apane ghar ke liye nikalaa to thaa par train me kisi se jabardast jhagadaa ho jaane ke kaaran vo buri tarah se ghaayal ho gayaa thaa aur is vakt Rajnagar se lagbhag 200km door ek chhote se hospital me admit thaa. Bhushan ke saath hue is haadase ko Bhaarat Sulochana murder case ke tahat hee dekh rahaa thaa …. Atah usane fauran us hospital jaane kaa faisalaa liyaa jahaa is vakt Bhushan ke hone ki khabar mili thee ….. usane us area ke officer incharge se baat kar ke Bhushan ki security kaa intjaaam karane ko kahaa aur fauran wahaa ke liye nikal padaa….. Laghbhag saadhe teen ghante kee driving ke baad vo us hospital me pahuchataa hai jahaa par Bhushan ke admit hone ki khabar usako mili thee…. Hospital me use tasalli bakhsh security dekhane ko mili jise dekh kar vo santusht ho gayaa aur fauran Bhushan ke kamare ki taraf chal padaa…..


Bhushan is vakt hospital ke ICU me admit thaa aur abhee bhee khatare se baahar nahi thaa, usakaa khoon bahut jyada bah gayaa thaa… Doctors usakee sehat ke liye bilkul bhee aashwast nahi the ….. Bhaarat! ICU me jaakar usase milane ke liye Doctors se baat karataa hai….. manjuri milane par vo ICU ke andar daakhil ho jaataa hai…..
Thodi hee der me vo kamare se baahar niraash awasthaa me aataa hai aur kisi ko phone lagaa kar bataata hai ………..


Bhaarat :-“ ab aapake yaha aane se koyi faayadaa nahi hai Rai sahab….. Bhushan nahi rahaa….”



To be continued………….
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Page generated in 0.01451 seconds