View Single Post
  #3248  
Old 29th November 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,106
Rep Power: 111 Points: 40959
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
Niharika khaamoshi se us taraf badh chali aur ……..
Gataank se aage……….

Gataank se aage …… ghar me is samay har taraf sannaataa fail chujaa thaa. Ekaadh dim lights ko chhod kar lagbhag saari lights band ki jaa chuki thee. Ghar ke maahaul me ghar ki rahasymayi baato ki mehak ghulati jaa rahi thee. Aise me Niharika ko khud ki dhadkane bhee sunaayi de rahi thee. Naa jaane kyo par aaj use kuchh jyaadaa hee romaanch mehsoos ho rahaa thaa…… vo Rai sahab ke kamare ki taraf badh rahi thee aur kisi ki najaro ko apane .upar lagaataar mehsoos kar rahi thee….. vo is baat ko apanaa BHRAM samajh kar apane dimaag se baar baar jhatak de rahi thee magar usaki sixth sense use lagaataar ye ehsaas karwaa rahi thee ki koyi hai jo usakie upar najar gadaaye baithaa hai. Ek baar ko use Rohit kaa dhyaan aaya to usane Rohit ke kamare me jaajar bhee dekh liyaa . Rohit kaa kamaraa andar se band thaa aur Rohit ke kharraato ki halki see aawaaje usake kaano me padi jisase vo ashwast ho gayi Rohit ab so chukaa hai …… baaki is ghar me aur koyi aisaa nahi thaa jisakaa use koyi khaas darr ho …… darati to Rohit se bhee nahi thee aur shayd kal ko khud bhee aaj ki saari baate use bataa degi par abhee filhaal aisaa koyi bhee iraadaa usake zehan me nahi thaa.


Rai sahb kaa kamaraa band thaa jise khat-khataane par jawaab me Sulochana ko darwaajaa kholate paayaa. Kamare me sirf ek side lamp jalaa huaa thaa jisakee vajah se kamare me andheraa to nahi thaa par bahut ujaalaa bhee nahi thaa. Naa jaane kyo Niharika ko abhootpurva romaanch ki anubhooti ho rahi thee. Shayad ye sab raat ke sannaate bhare maahaul kaa asar thaa …….. vo chupchaap kamare me daakhil hokar nishabd baithee huyi thee……. Kamare me Rai sahab abhee tak apani wheel chair par hee baithe the …… sulochana bhee abhee taka pane general costumes me hee thee …… yehee dono ishaare kaafi the Niharika ke liye ki aaj hone waali baat kitani gambheer ho sakati hai…… thodi hee der me Niharika ki bechaini usake chehare par saaf jhalakane lagi….. kamare ki khaamoshi use had se jyadaa sataane lagi thee jisake falswaroop vo rah rah kar pahalu badalane lagi thee,,,,,

Rai sahab :-“ aaraam se baith jaao Niharika …… ab aap humaare pariwaar kaa hissaa ban chuki hain ……. Isliye hum chaahate hain ki humaare ghar kee kuchh aisee baate jo shayad aage chal kar aapake liye pareshaani kaa sabab ban sakati hain …… aapako bataa dee jaaye…….. hum chaahate to the ki ye sab baate aapako shadi se pahale hee bataa dee jaaye par kisi naa kisi kaaran wash aisaa ho nahi paayaa…..( thodaa rul kar) sabase pahale to aap hume ye bataaiye ki kyaa aapako abhee tak kabhee bhee apane prati humaare vyavhaar me kuchh aisaa prateet huaa jisaki vajah se aapako kuchh buraa lagaa ho……. Aap khul kar bataa sakati hain …… nisankoch hokar apani baat rakhiyegaa ……. hume jaraa bhee buraa nahi lagegaa yadi aapakaa uttar nakaraatmak huaa to ……. ”

Niharika :-“ aisaa kuchh bhee nahi hai Sir! Aapane to balki humeshaa hee humaari madad kari hai …… par aapako aisaa kyo lagataa hai aur aap ye sab baate kyo kar rahe hain ….. agar aap mujhe kuchh bataanaa chaahate hain to binaa kisi jhijhak ke bataa skate hain …… par sirf tabhee yadi aapako mujh par bharosaa ho to ….. nahi to aap logo ko mujhe koyi baat nahi bataani chahiye ……”

Niharika kaa vakeeli dimaag aaj shayad pahali baar kaam kar rahaa thaa jisake falswaroop vo itnae confidence ke saath aisaa bol paayi kyonki vo jaanati thee ukasaaye jaane par hee koyi raaj ki yaa kaam ki baat usake saamane nikal kar aayegi, yaa shayad ab vo saari baate khul kar karanaa chah rahi thee jisase ye saaraa khel jald se jald khatm ho sake…….

Rai sahab:-“ agar aap par bharosaa nahi hota to bhala hum apane ‘chhote’ ki shaadi aapase kyo karwaate vo bhee tab jabaki hum jaanate hain ki usaki maansik haalat theek nahi hai…… jo baat ab humase aapako pataa chalegi vo humaare khaandaan kaa ek ghinaunaa sach hai ….. aur har bade ghar ki tarah yaha bhee hum log apane purakho ki banaayi huyi sadiyo puraani ijjat ko bachaane ki khatir har mumkin koshish karenge………. Par itanaa yaad rakhiyegaa ki hum aapase bhee yahi ummeed karenge ki ab aap is pariwaar kaa hissaa hone ke kaaran ye gopaneeyataa aapase bhee expect ki jaayegi. (thodaa ruk kar) ….. meri itani bhumikaa banaane se aapako lag rahaa hogaa ki jarur kuchh bahut hee ghatiyaa baat hogi jise chhupaane me hee Rai khaandaan kaa hit hogaa…… par humaaraa yakeen kijiye aisaa kuchh bhee nahi hai jo abhee aapake dimaag me chal raha hai… ”

Niharika :-“ Sir! Please(apani bechaini ko zahir karate hue aaturataa se )……….. aap buraa mat maaniye par aap ko jo kuchh bhee bataanaa ho vo aap jald se jald bataa dijiye nahi to mai apani aaturataa par sanyam nahi rakh paaungi…… ise meri dhrishtataa naa samajh kar meri request maaniyegaa…… par ‘agar’ aapako bataanaa ho to bataa dijiye nahi to rahane hee dijiye ……”

Sulochana :-“ hum tumhaari bechaini ko samajh rahe hain Niharika par baa thee aisee hai ki Rai sahab bina aashwast hue nai bataa paayenge…… aakhir kaar ye baat unake swargeeya pita ji ki ijjat se judi huyi hai……”

Niharika :-“ (hairaani se) kyaaaaa……. PITA ji?….. ”

Sulochana :-“ (ek feeki muskaan ke saath) hairaan ho gayi naa….. jab manie ye baat jaani thee tab meraa bhee haal kuchh aisaa huaa thaa jaisaa abhee tumhaaraa huaa hai aur aage aur jyadaa ho hogaa….. (lagbhag ‘fus-fusaane’ jaise andaaj me…) jis Manasi ki yahaa baat hoti hai vo Rohit aur Rai sahab ki ‘biological sister’ hai….. ”

Niharika:- “K-Y-AA……………? ”
Niharika ka muh khulaa kaa khulaa rah gayaa……… vo baari baari se kamare me baithe dono logo ko yaani Rai dampatti ko aankhe faade-faade dekhane lagi aur vo dono bhee usako khaamoshi se dekhane ke siwaa kuchh nahi kar rahe the….. shayad un dono ke paas Niharika ke ‘vocal reaction’ ke intjaar me the….. fir jab Niharika se nahi rahaa gayaa to jhunjhalaa kar khadi ho gayi………..

Niharika :-“ ye kyaa bakwaas hai….. bhala Rohit itanaa neeche kaise gir sakataa hai ki apanee hee bahan ko premikaa ki tarah chaahane lage………. Aur ……. ”

Rai sahab:-“ (use beech me tokate hue)…… mere chhote ko ye baat pataa hee nahi thee….. aapane shayad dhyaan se sunaa nahi …… Manasi humaari ‘biological sister ’ thee……. Sagi yaa sauteli nahi….. (sard aawaaj me)…. Aap baith jaaiye aur dhyaan se suniye…… aapake liye ye saaru baate dhyaan se sun’ni bahut jaruri hai…… aane waale vakt me Rohit kaa bhavishyaa bahut kuchh aapake upar nirbhar karegaa……isliye ye baat aap dhyaan se aur khule dimaag se sun lijiye……”

Niharika ne shaayad pahali baar Rai sahab kee aawaaj me aisaa ‘lahajaa’ sunaa thaa jise sun kar usaki rooh tak sard pad gayi thee. Vo vhupchaap wahi baith gayi…… usako baithataa dekh kar …… Rai sahab ne bolanaa shuru kiyaa…..

Rai sahab:-“ (paas me rakhi huyi table se paani kaa glass uthaa kar paani piyaa)…. Baat badi ajeeb hai par sach hai ….. yu to humaare pita ji ne ek bahut badaa punyaa kaa kaam kiyaa thaa par samaaj ki najaro me vo bahut badaa PAAP saabit ho sakataa thaa aur kisi ki jindagi aur maut ki baat ban sakati thee…….. (Niharika ki bechaini dekhate hue)…… aap sabra rakhe aur dhyaan se sune …… (apani aawaaj me gambheerataa kaa put dete hue…)…. Baat dar-asal yu thee ki humaare pitaa ji ke bahut puraane dost the jinhone kayi mauko par apani jaan par khel kar humaare pita ji ki jaan bachaayi thee……. Par unako ek kudarati samasyaa ne gher rakhaa thaa….. unake ‘veerya’ me shukranuvo ki kami thee….. jiski vajah se shaareerik roop se tandarust hote hue bhee santaan sukh se vanchit the…..

ek baar kinhee bhaawuk kshano me unhone humaare pita ji se unake ‘shukranuo’ kaa daan maang liyaa thaa kyonki vo kisi bhee shukranu ‘sangrahaalay (sperm bank)’ se kisi anjaane kaa shukranu apanee santaan ke taur par nahi lenaa chaahate the…. Pitaa ji unake ehsaano se itanaa dabe hue the ki vo is bat ko nakaar naa sake ….. ye baat Pitaji aur unake dost ke siwaa koyi nahi jaanataa thaa ki vo dono aisaa kuchh kar rahe the……. Aakhir kaar baat dono ke hee ijjat ki jo thee…… (lambee saans chhodate hue)…… khair ‘IVF transplant( kritrim garbhdhaaran)’ successful ho jaane ke baad …… dono ne kasame bhee khaayi thee ki kabhee is baat ka jikra nahi karenge…… unako Bhagwan ki kripa se ek sundar see gudiyaa jaisee beti huyi jisakaa naam Pita ji ne hee MANASI rakhaa thaa….”

To be continued………….
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं

My story-:-
Illusion......Ek Bhram???
(Completed)

Last edited by friend_just_buddy : 29th November 2011 at 12:31 AM.

Reply With Quote
Page generated in 0.03881 seconds