View Single Post
  #2703  
Old 2nd November 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,565
Rep Power: 113 Points: 41106
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
Unhee aane waale lamho ke intjaar me vo apanee vaivaahik shaiyyaa par baiti huyi thee ki use Rohit ke aane ki aahat huyi……….
Gataank se aage……


Rai saahab apane kamare me lete hue the. Sulochana bathroom se fresh hokar bahar nikalati hai aur Rai saahab ke upar ek muskuraati najar daalati hai. Din bhar ke function ki vajah se paidaa huyi thakaawat dono ke chehare par saaf dikh rahi thee. Sulochana bade pyaar se Rai saahab ke paas aa kar unake sar me apanaa haath ferane lagati hai. Thake hue Rai sahab ke liye ye sparsh atyant mnbhaawan thaa. Unaki palake sukoon ke ehsaas se band ho rahi thee. Chehare par ek muskaan liye Rai saahab ne Sulochana se kahaa…

Rai sahab:-“ aapake is taraf se chhune se hume aaj ‘Afreen’ ki yaad aa gayi …… (sulochana ne aankhe tarerate hue Rai sahab ko ghuraa) are baba! Vo humaare maali kaka ki poti thee. Kafi chhoti thee humase vo (hansate hue) aap hee ki tarah jab bhee hume thakaa huaa dekhati thee yunhee aakar bade hee innocently vo Afreen humaare sar me maalish karati thee. Jisase humaare dimaagi uljhane khatm ho jaati thee. Usaki shaadi khud humane bade hee chaw se apane haatho se karwaayi thee. Vo to chali gayi par usaki maalish hum aaj bhee mi karate hain.”

Sulochana:-“ (nakali gussaa dikhataa hue) theek hai tab ! use se karwaa lijiyega maalish…… ”

Rai sahab :-“ (sulochana ko baanho me bharate hue) are aap to naraaj ho gayi…. Pata nahi kyo use hum kal se bahut miss kar rahe hain…… aur abhee aapane jis tarah se humare sar par haath feraa , hume usaki yaade taajaa ho gayi. Par aap ke saamane to vo bhee kuch nahi hai.”

Aur jor se apane aalingan paash ko sakht karate hue Sulochana ko apani baanho me kas lete hain. Pati ke is pyaare se andaaj ko dekh kar Sulohana apani muskurahat ko rok nahi paati. Vo dono apani prem-leelaa ko aura age badhaate isase pahale unake darwaaje par khatkhatahat sunaayi dee. Koyi unakaa darwaajaa khat-khtaa raha thaa balki yu kahe ki peet raha thaa to jyada sahi rahegaa.


Darwaaje ke yu peete jaane se dono hairaan the. Kisi anhoni ki aashanka se dono ka dil buri tarah dhadakane lagaa thaa……

Rai sahab:-“are ruko bhai ….. aa rahe hain ….. kaun hai ”

Sulochana darwaaje ki taraf badh kar use khol deti hai…. Darwaaje ke baahar Bhushan khada thaa jo bahut ghabraayaa huaa thaa. Usako dekh kar Slochana bura saa muh banaati hai …….

Sulochana:-“ ye kya badtameeji hai Bhushan! Ye naa to koyi tarikaa hai darwaajaa khatkhataane kaa naa hee koyi sahi vakt …… kaun saa aasmaan gir gaya ab tumhaare upar jo itnaa badhawaas dikh rahe ho? ”

Bhushan :-“ (jo kisi baat se ghabaraayaa huaa thaa par Sulchana ke tanj sun kar chidh jaata hai) humakaa bhee ata hai memshaab ki raat ke ee bakhat aap logan ke ditarab (disturb) nahi karanaa chahiye par humaaraa yakeen jaaniye memshaab ki hum hiyaa kauno maskhari karan vaaste naay aawe hain…… (saans lene ke liye thodaa rukataa hai) Rohit bhaiyyaa naaa…. ”

Rai sahab :-“ (rohit kaa naam sunate hee) kyaa huaa Rohit ko …kaha hai vo …voi theek to hai naa …”

Bhushan :-“ pataa naahi unakaa kaa huwaa hai …… sedhiyo ke paas baithe hue hain aur thartharaaa kar pataa naahi kaa and-band bake jaa rahe hain…. Kabee manasi-2 bol rahe hain aur kabhi Niharika-2 kaa naam bhaje jaa rahe hain…… jaane kaa dekh liye hain jo itanaa baukhaaye hue hain…. Niharika ji bechaari unakaa intjaar kar rahi hongi apane kamare me inakaa aur oo hain ki pataa nahi …. Huh ….. ab aapahi log chalke unakaa dekhiye ki kaa bhawaa hai…. Humakaa taa kuchh samajhe me naahi aa raha hai ……”

Sulochana baahar ki taraf badh jaati hai …. Aur Bhushan Rai sahab ki wheel chair le kar unako bithataa hai tathaa baahar le kar aata hai. Seedhiyo par jahaa se vo neeche ground floo ki taraf jaa rahee hoti hain wahaa Rohit ek pillar ke paas chhipi huyi haalat me baithaa thaa. Sulochana waha pahuch chuki thee aur jaise hee usane Rohit ke sar par haath feraa , Rohit usase chipak kar rone lagataa hai. Rai sahab bhee jaise hee waha pahuchate hain unhe ye najaaraa dekhane ko milataa hai. Vo bechaini se apani wheel chair ko aage badhaate hue Rohit ke paas aa jaate hain ….

Rai sahab :-“ kyaa baat hai chhote ! kyaa huaa tumhe aur is vakt yaha kyaa kar rahe ho …. Nihari… meraa matlab Manasi kaha hai ? ”

Rohit ki aankhe shunyaa me kahi kuch dekhati huyi …….



*****-----*****-----*****-----*****

Rohit kamare me ghusaa to usaki najar seedhi dulhan ke jode me baithi Niharika par padi jo kamare me rakhe bed par apane aap me sikude baithee thee. Usake chehare par aaj laajo-haya ke saath ek ajeeb see uttejana bhee dikh rahi the jo shayad aane waale palo ko lekar ke thee. Ye kisi bhee nav-vivahita yuwati ke liye swabhawik bhee thaa. Rohit ne bhee ise aise hee liya. Vo bed ke najdeek pahuch kar Niharika ko dhyaan se dekhata hai jo is vakt apani palake band karake baithee thee. Rohit apani saari uljhane bhool kar Niharika ke saundarya me kho gaya thaa. Niharika sundar thee , ye baat vo jaanataa bhee thaa aur maanataa bhee par aaj to bas jaise ufffffff! ………

Niharika kee band aankhe usake dil par hajaaro chhuriyaan chala rahi thee. Band palake rah rah kar kam-kampaa rahi thee jo Niharika kee uttejana kaa pradarshan kar rahi thee. Usake chehare par ek noor baras raha thaa aur vo farishto jaisee pavitra aur nirmal lag rahi thee. Usake roop me khoye Rohit ki najare kisi ek jagah tik hee nahi paa rahi thee. Niharika ki seepiyo jaisee band aankhe,usake larajate honth, usakae surkh gaal , suraahee daar gardan aur gardan ke neeche …………….. fir se ek ufffffffff ! Vo kisi aise bachche ki tarah confuse thaa jise usake janmdin par achanak dher saare khilaune mil gaye ho aur vo pasho-pesh me hai ki kaun saa khilaunaa vo pahale khele.

Rohit ne apani badhati huyi uttejana ko sanyam se kaabu me karanaa chahaa par uttejana aaj sanyam ki saari seemaao kaa baandh tod kar sab kuchh apane saath baha le jaanaa chahati thee. Itani uttejana me bhee Rohit ki himmat Niharika ke sagmarmari badan ko chhune ki ijajat nahi de rahi thee. Sukhate gale se Rohit ne jaise taise Niharika ko bade hee pyaar se chhute hue use apane aagosh me lenaa chahaa ki achanak ek jor daar laat usake pet me padi. Is aprtyashit hue hamale ke liye Rohit taiyaar nahi thaa atah vo farsh par gir padaa. Apane pet par hue waar se use asahniya dard ho raha thaa. Chand seconds ke baad jab usane dhyaan diyaa ki use ye laat maari kisane hai to vo aur bhee jyadaa hairaan ho gayaa thaa.


Rohit farsh par gire hue Niharika ki taraf dekh raha thaa jo abhee bhee apani aankhe band kiye baithee thee. Par is vakt usaki band palako ke neeche halchal machi huyi thee. Rohit ko kuchh samajh me nahi aaya ki Niharika ne use laat kyo maari. Chot ke dard se jyada use hairaani sataa rahi thee.

Rohit :-“ ye kyaa harkat hai Niharika? aise bhee kyaa koyi majaak karataa hai….. pataa hai mujhe kitani tej chot lagi hai…. ”

Niharika:-“ (band aankho se hee) chot dene ke liye hee to laat maari hai tujhe H-A-R-AA-M-J-AA-DE……”

aur apani aankhe khol deti hai. Pahale to apane liye gaali sun kar hee Rohit ki buddhi chakaraa gayi thee. Upar se ab jo use dikh raha thaa vo to achchhe achchho ki ghigghi baandhane ke liye kaafi thaa. Niharika ki aankhe ekdum laal ho rahi thee. Usaki aankho me jo kaajal kuchh der pahale usaki khubsurati ko badha raha thaa wahi is vakt fail kar usake khubsurat chehare ko atyant daraawanaa kar raha thaa…..


Rohit :-“ (dara huaa saa) Niharika! ye kyaa ho gaya hai tumhe…. Ye tumane kya haal banaa rakhaa hai ….. tumhaaraa dimaag to sahi hai naa….. band karo ye naatak …… mujhe aise majak bilkul bhee pasand nahi hain…… ”

Niharika :-“ (gurraati huyi) ye tujhe majaak lag rahaa hai HARAAMJAADE? Mjsaak to tune meri jindagi se kiyaa thaa…… barbaad karake rakh diyaa thaa tune mujhe …… mujhe kahi kaa nahi chhodaa aura b kahataa hai ki tujhe majaak pasand nahi hai…..”


Niharika ki aawaaj aa to use ke gale se rahi thee par aisaa lag rahaa thaa jaise koyi billi gurraa rahi ho. Vo apani jagah se uth kar ab Rohit ki taraf badhane lagati hai. Vo lagaataar Rohit ko ghure jaa rahi thee, usaki aankho ki khuni laali dekh kar Rohit ki haalat kharaab huye jaa rahi thee. Use kuchh samajh nahi aa raha thaa ki ye sab ho kyaa raha hai….. Niharika ko apani taraf badhata dekh kar vo apane aap ko thodaa peeche ki taraf ghisatataa hai aur ….

Rohit :-“ maine kyaa bigaadaa hai tumhaaraa Niharika! ultaa maine to manaa kiyaa thaa tumhe ki mujhase shaadi mat karo …. Tumane khud hee mujhase shadi ke liye haa kahi aura b ye sab ulte seedhe iljaam lagaa rahi ho…. Ab band karo ye sab naatak ….. mai kisi se kuch nahi kahungaa. ”

Niharika :-“ (usee gurrahat ko barkaraar rakhate hue) tune kisi se kahaa bhee kyaa hai abhee tak HARAAMJAADE…….. agar tune kaha hotaa to meraa ye haal nahi hotaa kabhee bhee……. ”

Ab tak vo Rohit ke paas pahuch chuki hoti hai aur ye bol kar ek aur laat Rohit ke pet me jad deti hai…… Rohit fir se dard se bilbilaa uthataa hai.

Rohit :-“ (dard se chillaataa huaa) NI-HA-RI-KA….. ! ”

Niharika ne ab Rohit kaa girehbaan pakad kar use uthaane lagati hai. Usaki saanse gusse ki ati aaveg se lambee-2 chal rahe thee jisaki vajah se jisaki vajah se Rohit un saanso ko ab apane chehare par mehsoos kar raha thaa.

Niharika :-“ (Rohit ke chehare ke paas apanaa cheharaa le jaate hue) ye tune Niharika-Niharika kya laga rakhaa hai kameene….. mai MANASI hu MANASI…… pehchanaa nahi kyaa ”

Aur use aadhe me hee chhod deti hai jisase rohit fir gir padataa hai…. Usako is baar girataa dekh kar Niharika khub jor jor se thahaake lagati huyi hansane lagati hai. Usake thahako me Rohit ka uphaas udaane jaisaa bhaaw thaa. Usake muh se Manasi kaa naam sun kar Rohit ki ankhe hairat se fati ki fati rah jaati hain. Hansate hansate Niharika peechhe mud jaati hai , usako peechhe mudataa dekh kar Rohit furti se apani jagah se uthataa hai aur kamare se bahar bhaag jaataa hai….


*****-----*****-----*****-----*****


Rohit ke gaal par thap-thapaate hue Rai sahab use jor jhinjhod dete hain jisase vo apani soch se baahr aata hai …..

Rohit ne subakate hue saari baate bataa daali jise sun kar un teeno ki baukhalaahat dekati ban rahi thee. Turant sab Rohit ke kamare ki taraf badhate hain…. Kamare kaa darwaajaa bas chipaakaaya huaa thaa …. Hath se dhakelane par vo darwaajaa khul gayaa. Kamare ke andar andheraa thaa ….. kamare ke baahar jal rahee lights se halkaa-2 ujalaa andar aa raha thaa. Jisase kamare sthiti kaa andaajaa lag raha thaa. Kamare me ekdum shanti pasari thee. Bhushan ne aage badh kar kamare ki lights on kari , sabaki najare ek saath bed ki taraf gayi jaha Niharika apane ghutano me muh diye hue soyi huyi see prateet ho rahi thee. Dkhane se aisaa lag raha thaa jaise vo baithe-2 so rahi ho……
Rai sahab :-“ ye to yaha so rahi hai Rohit ! kitani der huyi hai tumhe yaha se gaye…… kamare me sabkuchh apani jagah par hee to hai chhote (pyaar se samjhaate hue) aapane koyi sapanaa to nahi dekhaa chhote jise dekh kar aap itanaa darr gaye honki …… ”

Rai sahab ne apani baat ko adhura chhodate hue Rohit ki taraf dekhane lage.

Rohit :-“maine koyi sapanaa nahi dekhaa thaa bhaiyyaa ! yahi is kamare hee huaa thaa vo sab jo maine aap logo ko bataayaa thaa. Ye mere upar aise jhapati thee jaise aaj mujhe maar kar hee isako chain milegaa. Manasi waali baate bhee pata nahi kyo kar rahi thee ye ? aur to aur ye mujhe gaaliyaan bhee bak rahi thee. Lag hee nahi raha thaa ki ye wahi hai jisase meri shadi huyi hai ,jise aap logo ne mere liye pasand kiyaa thaa. ”

Rohit ki baate sun kar aur Rai sahab ke ishaare par Sulochana aage badh kar Niharika ke kandhe par apanaa haath rakh kar use bade pyaar se hilaati hai. Itanedheere se hilaati hai ki kahi vo achanak jagaaye jaane se chinhuk naa jaaye …… Niharika apane kandho par kisi kaa aabhaas paate hee jag jaati hai. Rohit usaki aankho ko dhyaan se dekh raha hotaa hai jo is vakt ekdum normal lag rahi thee. Balki Rohit hee kyaa sab usee kaa cheharaa dhyaan se dekh rahe the. Rohit ke baataaye anusaar naa to waha par koyi laalimaa dikh rahi thee aur naa hee usakaa kaajal bikharaa huaa thaa, vo ekdum use tarah khubsurat aur maasoom lag rahi thee jitani kisi bhee nayi naweli dulhan ko laganaa chahiye. Sabko ek saath apanee taraf dekhata paa kar Niharika sakpakaa jaati hai aur uth kar bed se utar jaati hai…..

Niharika :-“ kyaa huaa ! aap sab ek saath yaahaa…. Is vakt … sab theek to hai naa …… ”

Sulochana :-“ (ise Rohit kaa Bhram samajhate hue ….baat ko sambhaalatee hai) sab theek hee hai ….. gabraane waali koyi baat nahi… (muskaraate hue) ye humaare devar ji jara aaj kuchh jyaadaa hee ghabaraa rahe the yaha aane me …to hum sab yaha unakee hausalaa-afjaayi ke liye aaye the. Tumhe huyi asuvidhaa ke liye hume khed hai …… (Rai sahab aur Bhushan ko isharaa karate hue) chaliye aap sab ab yaha se ….. miyaa-biwi ko privacy ki jarurat hai…. Devar ji! Aap darwaaja band karake aaraame se so jaaiye (sharaarati andaaj me) yaa fir jo aapaki marji ho aap vo kijiyegaa ….akhir kmaraa aap hee kaa hai …. Biwi bhee aap hee ki hai …. … ”

Aur sabako lekar baahar ki taraf jaane lagati hai….. to rohit aage badh kar sabako rok letaa hai.

Rohit :-“ mai aaj is kamare me nahi soungaa bhabhi! Meraa dum ghut rahaa hai ….. ”

Rai sahab:-“ ye kyaa bahaki bahaki baate kar rahe ho chhote! Aaj aapako isee kamare me sonaa hai …akhir ye aapaki shaadi ke baad ki pahali raat hai ”

Rohit :-“ agar aap log mujhe jyadaa jabardasti karenge yaha sulaane ke liye to ye meri aakhiri raat bhee ho sakati hai. ”

Niahiraka ko ye baate kuchh samajh me nahi aa rahi thee shayad usane aahe badh kar Rohit kaa haath pakadate hue puchhaa….

Niharika :-“ aapako koyi takleef hai yaha mere saath kyaa ? agar aisaa hai to aap yaha so jaiye mai use kamare me chali jaangi jisame mai abhe tak rahati thee……”

Rai sahab ne raat ke is vakt jyada bahas karanaa munaasib nahi samajhaa au rise rohit ki bimaari kaa ek hissaa maanate hue Niharika ki baat ko dhyaan me rakhate hain par nayi dulhan ko usaki shaadi ke baad ki pahali raat hee dusare kamare me bhejanaa unhe gawaaraa naa huaa . unhone Rohit ko hee us kamare me bhej diyaa jaha Niharika abee tak rahati thee. Bhushan ko bol diyaa gaya ki jo bhee jaruru saamaan Rohit ko chahiye vo us kamare me pahuchaa de. Bhuahsan Rohit ko lekar chala jaataa hai. Bhushan samet Rai dampatti ko ye nayi paristhiti janch nahi rahi thee par Rohit ki mansik sthiti ko samajhate hue un logo ne jyaadaa jor nahi daalaa. Aur Niharika se khed vyakt karate hue us kamare se baahar aa gaye. Niharika suni aankho se un sabako jaataa huaa dekh rahi thee aur apani aankho me umadane waale aanuo ko rok rahi thee.......

To be continued…….
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Page generated in 0.01360 seconds