View Single Post
  #2296  
Old 15th October 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,565
Rep Power: 113 Points: 41106
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
ab isako fir kyaa mil gaya jo ye yaha chala aayaa …. Chalo mai aa rahi hu…. .
Gataank se aage……

Sulochana neeche jaane ke liye udyat hoti hee hai ki vo Niharika ki taraf palat kar use dhyaan se dekhati hai. Niharika ne is samay ek peele rang ka salwar-suit pahanaa huaa thaa jo kisi bade designer ka branded version thaa. Is salwar-suit ko dekh kar Sulochana thodi hairaan rah jaati hai….. use ye suit kuchh jaanaa pehchaanaa saa lagataa hai. Sulochana ko yu apani taraf dekhata paa kar Niharika ne use yaad dilaayaa ki aapako neeche Rai sahab ke paas jaana hai, jis par Sulochana ne use apane saath hee chalane ko kaha. Niharika ko bhee pata thaa ki DSP Bhaarat yaha aaya hai to usase jarur milanaa chahegaa, to baad me koyi bulaane aaye isase achchhaa ye hai ki vo abhee Sulochana ke saath hee chali chale.

Living room me Bhaarat ek sofe par baithaa huaa kisi kitaab ke panne palat raha thaa jab Niharika Rai dampatti ke saath us kamare me pravesh kar rahi thee. Sulochana ne Rai sahab ko unake study roome se apane saath le liya thaa. Un sab ko ek saath dekh kar Bhaarat humeshaa ki tarah apani jagah se uth kar aur aage badh kar Rai sahab se haath milaaya . usake chehare par usaki sadabahaar muskaan abhee bhee vidyamaan thee….. par use apane saamane aaye teeno logo ke chehare par aisaa kuchh bhee nahi dikhaa……

Bhaarat :-“ (majakiya lahaje me)lagata hai mere yaha aane se aapame se kisi ko khushi nahi huyi ?”

Rai sahab :-“ (Bhaarat ke majakiya lahaje ko copy karate hue)……. Aap bhee kaise baat kar rahe hain dsp sahab ! pichhali mulaakat se ab tak har saans me aapako yaad kiyaa hum sabhee ne….. ye aur baat hai ki aap ko hichaki aayi he nahi kabhee…. Ab aapaki aamad kaa kaaran bhee bata dijiye ……. Koyi sukhad khabar aaya hai kyaa is baar ke taar (telegram) me? ”

Bhaarat :-“ kamala hai saahab ! aap to antaryaami nikale…. Bhala aapako kaise pata chala ki mai aapake liye koyi sukhad khabar laya hu…… sach sach batiyegaa ! kahi koy jaasoos to nahi laga rakhaa aapane mere peechhe ….”

Rai sahab :-“ police waalo ki jaasoosi bhala kaun kar sakataa hai janaab ! hum to aise hee ek no hone waale sambhaawana par vichaar kar rahe the…. Ab majaak chhodiye aur mudde par aa jaiye ….. ”

Bhaarat :-“ jaisaa aapakaa aadesh sahab ji! Naacheej pichhale 2-3 dino me jara vyast raha is liye bhee apake darshan nahi kar paaya thaa. Vaise humaari jo team Rampur gayi thee vo to badi ajeebo gareeb baat humaare saamane le kar aayi …… (baari-2 se sabake chehare padhane ki koshish karataa huaa)…. Jo Rampur waala vyapaari mara thaa vo aksar aapake NGO me paise donate kartaa rahataa thaa. Ab aise aadami se aap log kaise anjaan rah sakate hain jo regular aap logo ke NGO me paise detaa rahataa thaa.”

Niharika ye sun kar chaunk gayi aur baari-2 rai dampatti ki taraf dekhane lagi……

Rai sahab :-“humaara NGO international level ka NGO hai aur wahaa to tamaam log gaahe bagaahe donation dete rahate hain , hum kyaa sabake baare me jante firate hain……”

Bhaarat :-“ achchhaa chaliye chhodiye ise … mamuli baat hai ye aapake liye par ek baat meri samajh me nahi aayi ki ye chandaa dene kaa silsilaa lagbhag 4 saal pahale shuru huaa thaa , usase pahale aap logo ne us par ek case bhee darj karwaaya thaa ….. aap logo se meraa matlab aapake NGO ne se hai par ye chande ka silsilaa shuru hote hee…… aap logo ka case vaapas ho gaya thaa….. (apana sar khujaate hue).. kya is baat par kuchh roshani daal sakate hain aap?”

Rai sahab :-“ jarur daalata agar ye baat usaki maut se sambandhit hoti to…… aap paheliyaa kyo bujhaa rahe hain saaf -2 kyo naho bataate ki baat kyaa hai ?”

Bhaarat :-“ saaf saaf baat ye hai ki aap logo kaa maamalaa har baar sandeh keg here me hee kyo rahataa hai…… har shak ki suyi ghum fir kar isee ghar par laut aati hai….. upar se aap log kanoon ki madad karane ke tamannaayi nahi hai bilkul bhee ……. Apane bhaai ko bulaaiye fatafat …(is baar usake swar me iltijaa nahi aadesh jaisaa bhaaw thaa)”

Rai sahab :-“ usase kyaa kaam hai aapko?”

Bhaarat :-“ aap bulaaiye use pahale fir mai bataata hu…….”

To be continued……..
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Page generated in 0.01347 seconds