View Single Post
  #2167  
Old 12th October 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,064
Rep Power: 111 Points: 40959
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
Niharika fir se khud ko doraahe par khade hue tamaam BHRAM ke saath vaapas paati hai……
Gataank se aage………..

Rai sahab apane kamare me chale gaye. Niharika ne unake chehare par jo dkh dekhaa thaa use dekh kar vo fir se duvidhaa me pad gayi thee. “Ye ho kya raha hai mere saath !” bas yahi baat usake usake dimaag me ghum rahi thee. Vo ab apane kamare me aa chuki thee. Sochate-2 usaka sar dard karane laga to usane nahane ka faisala kara aur bathroom me chali gayi. Naahane ke baad Niharika ko ek taajagi ka ehsaas ho raha thaa. Vo apane geele baalo ke saath bathroom se baahar aayi. Bathrobe utaar kar usane apani night dress pahan lee. Apane bistar par vo late kar sone ki koshish kar rahi thee par neend usakee aankho se koso door najar aa rahi thee. Pichhale chand dino me usake saath jo bhee ghatit huaa thaa vo sab usakee aankho ke saamane rah rah kar ghum raha thaa. Train me huyi hatya se lekar Restaurant me mile aadami ki maut ki khabar, is ghar kaa ajeeb saa mahaul ….. sab kuchh ek saath itana achchhaa hote hue bhee kitanaa ghatiya lagataa thaa kabhi kabhi. Sabase badi baat ye thee ki apani apani jagah sabaki baat use theek lagati thee par purn satya kyaa hai ye use samajh me nahi aa raha thaa. Yahi sab sochate sochate vo kab so gayi use pata bhee nahi chala.


Subah fir se angdayi le rahi thee aur kal ke aaye hue Mehmaan ab apane apane ghar jaane ki taiyaari me lage hue the. Sulochana aur Mausi ji ne aaj kisi bade baba ji ko bulaaya tha jisako vo Rohit aur Niharika ki janm patri dikhana chahti thee. In baba ji par ub logo ko bahut bharosa thaa. Sulochana ke anusaar Gaahe bagaahe unhone jo bhee bhavishyawaaniyaan ki thee is khaandaan ko lekar, vo abhee tak sach saabit huyi thee. Atah Mausi ji apani bahen ki di huyi jimedaari ko jald se jald nipataane ke liye ye kaam apane saamane karanaa chahti thee. Niharika ko subah -2 hee ye baat bataa kar baba ji ke liye apane haatho se khana banaane ki jimmedari saunpi gayi thee. Haalanki Niharika ko raat me kafi der ho gayi thee sone me par vo kisi aadarsh naari k tarah is jimedaari ko nibhaa rahi aur Mama-Mausi ji ke mann ko bhaa rahi thee. Khair baba ji bhee apane samay par aa gaye. Unhe dekh kar Niharika bahut prabhawit najar aa rahi thee. Un baba ji vyaktitwaa kaafi prabhavshaali thaa jisake aage Rai sahab samet sab natmastak najar aa rahe the. Niharika ki janm kundali taiyaar kar ke use Rohit ki kundali se milaan karwaaya gaya. Dono kundali ko milaate hue baba ji baar- Niharika ka chehara dhyaan se dekh rahe the. Unake yu baar – dekhe jaane se Niharika thodaa asahaj mehsoos kar rahi thee.


Baba ji ne Niharika ko usake bachpan se judee kuchh baate bataayi jo ekdum sahi sabit huyi. Aise baba ji pahale bhoot kaal bata kar apani gadanaa ki jaanch karate hain , fir bhavishya ki taraf apanaa rukh karate hain . unake anusaar kundali kaa milaan adbhut thaa par chand dino me Rohit ke upar maarkesh lag raha thaa jo kisi ki kundali me usaki achanak mrityu ka yog bataati hai. Ye sun kar sab chaunk jaate hain aur pareshaan ho kar baba ji se isakaa upaay poochhane lage. Baba ke anusaar Niharika ki kundali aisee thee jisake prabhaaw se Rohit ke jivan ko bure graho se surakshaa pradaan ho sakati thee, parantu ye vivaah shraddh khatm hote hee Navrati ke pahale din ho jaanaa chahiye. Ye sun kar sab Niharika ki taraf dekhane lage . vo bhala itani jaldo kaise kuchh bol paati. Ye bhee sach thaa ki usake upar Rohit ke pyaar aur Rai dampatti ke kiye hue ehsaano kaa itanaa prabhaaw thaa ki vo ekdum se naa bhee nahi kar sakati thee. Par ghar ke rahasymayi mahaul me use shadi jaise nateeje par pahuchane me kaafi sankoch mehsoos ho raha thaa. Usaki pareshaani aur chand dusari baato ko samajhate hue Rai sahab ne ghar me aaye hue sabhi mehmaano se rukane kaa anurodh kiyaa aur Niharika ko apane saath apane study room me le gaye……..



To be continued…………..
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Have you seen the announcement yet?
Page generated in 0.01578 seconds