View Single Post
  #1862  
Old 5th October 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,565
Rep Power: 113 Points: 41106
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database

Quote:
aur neeche ek pata likha hua thaa....
gataank se aage.....

Rohit:-"mujhe kuchh bhee soojh nahi raha tha ki ye sab kya hai, charo taraf dekhane par mujhe koyi dikha bhee nahi jisane ye kankad fenka ho. Manasi se milana to ab mai bhool bhee chuka tha. ab kuchh yaad tha to bas vo pata jaha meri maa ke baare me bataane ke liye mujhe bulaya ja raha tha. Dil kah raha tha ki mai is baare me apane bhaiyyaa se baat karu par dimaag ne mujhe mana kar diya aur maine pahali baar apane dimaag ki suni aur us pate ki taraf chal pada. Ye pataa shahari aabaadi se door lagbhag sunsaan se ilaake me banee ek badee aur kafi puranee ho chuki haweli ka tha. jab mai vaha pahucha tab tak Shaam dhundhala chuki thee . Ek ajeeb si manhusiyat ka saaya us haweli par mandara raha tha. Kisi bhee saamaany paristhitiyo me mai us haweli me jaana to kya usako door se dekhana bhee pasand nahi karataa par aaj yaha baat meri maa ki thee. Dhadakate dil se mai us haweli me pravesh kar gaya."

Rohit ne ek lambee saans bhari aur Niharika ki taraf dekha, usaki ankho me utsukata apani charam par lahlaha rahi thee.....
Rohit:-" haweli kafi jarjar awastha me khadi thee, dekhane se to yahi lag raha tha jaise waha saalo se koyi aata jaata naa ho. Dhadakate dil se mai andar ki taraf badh gaya. Boundry wall se haweli ke mukhya darwaaje tak sookhe patte ka ambaar laga hua thaa jin par pair padane se charr-2 ki aawaaj mahaul ko aur bhee rahasymayi bana rahe the. Khud mujhe mere kadamo ki aawaaj behad ajeeb lag rahi thee. Mera dil pukaar-2 kar kah raha tha....'vapas laut jaao'....'vapas laut jaao' par us par jaise taise kabu pata huaa mai andar ki taraf badhata chala gaya. Haweli ka mukhya darwaja band tha jisako khatkhatane par mujhe andar se kisi ke kadamo ki aawaaj aati huyi sunayi dee. Baahar ab andhera puri tarah chhaa chuka tha aur haweli me andar koyi roshani ka srot dikh nahi raha tha. Charrrrrr ki ek darawani aawaaj ke sath Darwaja dheeme se khulaa, andar se mere tamaam anumano ko dhata batate hue Manasi apane ek haath me torch liye hue mere saamane aa khadi huyi." Rohit fir kuchh der ke liye khaamosh ho gaya.

Niharika:-"(apani utsukata ka khul kar izhaar karati huyi)fir kya huaa?"


Rohit:-"maine apani hairaani par bharsak kabu paane ki naakaam koshish karate hue usase puchh baitha 'tum yaha kaise, kya tumhee ne mujhe vo sandesh bheja tha.......tum meri maa ko kaise jaanati ho aur........?' main ek hee saans me saare sawaal puchhataa chala ja raha tha jise Manasi ne mere muh par hath rakh kar mujhe chup kar diya aur ishare se apane pichhe andar aane ko kaha. Mai apani jigyasa par kabu pata hua usake pichhe-2 andar chala gaya. Haweli ki haalat baahar ki apekshaa andar kafi behtar thee. Par deewaro par lage hue jaale aur jagah-2 se utare hue pluster haweli ki durdasha bayaan kar rahe the aur mahaul ke rahasymayi andaaj ko badha hee rahe the. Khidkiyo par kaale kaagaj chipake hue the jo ye bata rahe the ki haweli me rahane waale log apane aap ko baahari duniya se alag thalag rakhana chaahate hain ya baahari duniya ko apane baare me kuchh bhee andaaja nahi lagane dena chaahate ho.....

Manasi ke peechhe chalate hue ab main ek hallnumaa bade se kamare me aa gaya tha. Mujhe apane sawalo ka jawab jaan'ne ki jitani jaldi ho rahi thee Manasi utani hee der kar rahi thee. Finally usane mujhe ek sofe par bithaya aur meri taraf dekhate hue muskurane lagi. Kisi aur samay shayad ye muskaan mere dil ko chhuti bhee par is samay vo mujhe chubh rahi thee. 'tum apani maa ko vapas paane ke liye kya-2 kar sakate ho? I mean tum mujhe kitane paise de sakate ho agar mai tumhe tumhari maa se milawa du jo tumhare liye mar chukh hai?' usake shabd mere kaano me jalate hue angaaro ki tarah pade"..........
To be continued........
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं

My story-:-
Illusion......Ek Bhram???
(Completed)

Reply With Quote
Page generated in 0.01332 seconds