View Single Post
  #1717  
Old 30th September 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,064
Rep Power: 111 Points: 40959
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
Kuchh dur tak vo Niharika ko dikhayi deta raha fir anhere ne use nigal liya...

Gataank se aage……..


Jaane kitani der tak Niharika wahi khadi use jaata dekhati rahi. Bhushan use waha khojata huaa aaya tab jaakar Niharika ko ye ehsaas huaa ki vo vaha akeli khadi hai. Use apane haalaat par jam kar ronaa aa raha thaa. Aisaa ek bhee nahi thaa vaha jisake prati usake dil me sandeh naa ho. Yaha tak ki jisase vo pyaar karate thee usake mansik santulan par bhee use sandeh thaa. Kya karu kyaa na karu ki kashmkash use har pal udhedati rahati thee. Usako apane khyalo me khoyaa huaa dekh kar Bhushan ne use fir se pukaaraa aur usaki tandra ko bhang karate hue use andar chalane ko kaha.

usako bhushan ke saath andar aata dekh kar Sulochana ne use apane paas bulaa liyaa. Rohit ko talaashati huyiNiharika ki najare charo taraf ghumati huyi jab vapas Sulochana par gayi tab Sulochana kuchh shararti andaaj me usase Rohit ke bare me poochhane lagi…… Niharika ke kahane par ki “vo to Rohit ke hee peechhe-2 aayi hai yaha tak”. Par Sulochana ne Rohit ke us kamare me aane ke baare me apani hairaani jataate hue mana kar diyaa. Niharika ne Bhushan ko apane paas bula liyaa….

Niharika :-“ kya ‘ye’ mujhase pahale yaha nahi kyaa?”

Bhushan :-“ jee naahi! Aapake jaun ‘ye’ hain oo hiya abhaye naahi aaye rahen …hum taa badakaa maalik ke kahe aap logan ke bulaawe khaatir jaat rahe tab tak aap uhee galiyaare me khadi dikhaay gayi…..humahu lapp dene aapako hiyaa kheench lihe ki jab aap hiyaa aa jaihe tab taa chhotakaa bhaiyaa ji aape aap aa jaihe….. (khud ko shabashi see deta huaa).. dekhaa humari chaturaayi ….. ”

Sulochana :-“ (kuchh chidhi huyi see) haa-2 dekhi hai aur kayi baar dekhi hai…. Ab jaao aur Rohit ko bhee yaha le kar aao…. Jyada der tak bahar nahi khade rahana usako …aaj kal os (due) padani shuru ho gayi hai … jaao aur use andar lekar aao …… ”

Niharika :-“ par unhee ke peechhe to mai yaha aayi thee…. Raaste me kuchh dikhaa to mai ruk gayi thee, Bhushan bhaiyyaa ke aane par mujhe yahi laga ki shayad inhone hee mujhe lane ke liye bhejaa hai…. Par ab pata chal raha hai ki vo yaha tak pahuche hee nahi……”

Sulochana :-“ chinta naa karo Niharika! Beech me kayi aur bhee raaste hain kamare me aane ke liye …ho sakata hai ki Rohit kahi aur gaya ho … bhushan abhee usako dhundh kar le aayegaa…. ”

Ye sun kar Niharika ne apani gardan samajhane jaise andaaj me hilaa dee. Thodi he der me Bhushan vapas aakar Rohit ke bare me poochhane laga ……

Sulochana :-“ tumhee to usako lane ke liye gaye the …. Hume bataane ki jagah humee se usake baare me pooch rahe ho….”

Bhushan :-“ are memshaab ! humakaa jab vo kahi naahi mile tab humane sochaa ki kahi vo aur kauno raaste se hiyaa chale aaye honge ….. bas hum uhai baati ke canfaram (confirm) karat hayi…… aap to annaase (anaayaas hee) naaraaj hoye jaat hain…. ”

Niharika :-“ (kuchh bechain hoti huyi)…… maine aapako bataya nahi …par abhee-2 vo kale kapade waala aadami mujhe milaa thaa….. meraa matlab hai ki dikhaa thaa…… ‘ye’ jis raaste se mere aage -2 chal rahe the use raaste par Rohit jaise hee meri aankho se ojhal hue the …vo kale kapade waala aadami mujhe dikhaa thaa…… fir vo peechhe waale garden ki taraf chala gaya aur andhere me kahi kho gaya….. ”
Un teno ke beech me ye baate kaafi dheme aawaaj me ho rahi thee jise un teeno ke siwaa aur koyi nahi sun sakataa thaa……..

Bhushan :-“ achchhaa taa ee baat rahi jab aap apane aape me kuchh sochata rahin uhaa khade khade …… pahilawe bata dihaa hotaa taa hum assure kaa tetawaa pakad lihe hote …… !”

Sulochana:-“ (ab thodaa chintit hoti huyi)… bhushan ! jaldi se ghar ke saare guards ko apane saath lekar ghar kaa konaa-2 chaan maaro …. Jaao jaldi karo ..ek minute ki bhee deri mat karo….. Niharika! Tumane bahut badi galati kari jo hume ye baat aate he nahi bataayi ….. hey Bhagwaan! Sab theek ho …..”

To be continued………
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Have you seen the announcement yet?
Page generated in 0.01600 seconds