View Single Post
  #1375  
Old 22nd September 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,106
Rep Power: 111 Points: 40959
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
:)

Quote:
Niharika ka dimaag fir se fatane laga aur vo fir se sahi kyaa aur galat kyaa ke Bhram me khud ko ulajhata huaa pane lagi ………
gataank se aage...........


Niharika ek jhatake se uth kar khadi ho gayi …..
Niharika :-“ (thodaa gusse se) ye aap logo ne kyaa laga rakha hai…… mai kyaa paagal hu jo aap log mere saath aise bartaaw kar rahe hain……… meri majburi hai jo mai yaha aayi hu kam karane par aap log to pata nahi mujhe kyaa samajh rahe hain jo ye sab harkate mere saath kar rahe hain……..”

Rai dampatti Niharika ka aisaa reaction dekh kar bhauchakke rah gaye…unako to kuchh samajh me hee nahi aa raha thaa……..

Sulochana :-“ (hairaani jataate hue)…..ye tumhe kyaa ho gaya hai Niharika! Kyaa bahaki-2 baate karane lagi ho achanak se……… aur humane tumhare saath kyaa kiyaa jo tum itana ukhadi huyi ho hum logo se …….”

Rai sahab :-“ kyaa huaa Niharika! Maine kuchh galat bol diyaa kyaa …… ya aapako meri koyi baat galat lagi jo aap aise react kar rahi hain ? agar aapako kuchh buraa laga ho to hume bhee bataiye …hum jarur aapase maafi mangege ….. par humaari galatiyaan to hume bataiye …”

Niharika abhee bhee gusse ke awseh me kanp rahi thee, Rai sahab ke ishare par Sulochan ne aage badh kar usako vaapas bithaate hue usase fir se usake gusse ki vajah poochhi, ye poochate hue Sulochana Niharika ke paas hee baith jaati hai …… Niharika abhee bhee khaamosh hee rahi. Tabhi Sulochana ko kuchh dhyaan aaya aur vo chaunkate hue uth khadi hoti hai…….

Sulochana :-“hey Bhagwaan! (apane maathe par apane dono haath rakhate hue…. )…….. kahi Rohit ne tumhe kuchh aisaa vaisaa to nahi batayaa….. (Rai sahab bhee ab dhyaan se sun’ne lage) …… bataao Niharika ! mai sahi kah rahi hu ki nahi…….. Rohit ne tumhe kyaa kaha hai humaare bare me……. ”

Ab Niharika ki baari thee chaukane ki …… vo samajh nahi paayi ki kaise ye kood kar is nishkarsh par pahuch gayi ki mujhe Rohit ne hee kuch kaha hogaa, kisi aur ne nahi…… fir se usaki dil ki dhadkan badhane lagi…… aur vo pareshani se idhar udhar dekhane lagi…….

Sulochana :-“ (Niharika ke kandhe par thapthapake use tasalli dete hue) ghabarao mat Niharika! Jo bhee tumhaare mann me ho vo khul ke bolo ….. tumhe humase darane ya ghabaraane ki koyi jarurat nahi hai…… ”

Rai sahab :-“(jo ab muskuraa rahe the) kahi Rohit ne tumhe ye to nahi bola ki hum tumhe apane kisi niji maksad ke liye MANASI ban’ne ko kahenge aur humari achchhaayi, achchhaayi naa hokar sirf ek natak hai …….”

Rai sahab ne ye baat itani betakallufi se kahi ki Niharika ki aankhe fir se faill gayi. Usaki hairaani ab koyi nayi unchaayi chhune ko taiyyaar thee shayad !

Niharika ki hairaani dekh kar Rai dampatti ko samajh me aa gaya ki unaki soch sahi dishaa me badh rahi hai. Ab dono hee shaant awasthaa me aa gaye the aur dono hee muskuraa rahe the. Unaki muskurahat dekh kar Niharika abs ach me khud ko paagal samajh rahi thee aur use apani aisee awasthaa par jitani ho sakati thee utani kheejh paidaa ho rahi thee…. Usaki hairaani dekh kar Rai sahab ne bolana shuru kiyaa ………

Rai sahab :-“ meraa chhota uar chahetaa bhai dimaagi roop se beemaar hai … he is a suffering from a mental disorder called ‘Schizophrenia’ jise hindi me buddhi bhramit kaha jaa sakataa hai……. Aam taur par aise logo ko PAAGAL hee kahate hai par saamany paagal se ye log thodaa alag hote hai……..”

To be continued………
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Page generated in 0.01625 seconds