View Single Post
  #932  
Old 11th September 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,106
Rep Power: 111 Points: 40959
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
head lines ke neeche usi aadami ki photo chhapi thee jisane kal raat Niharika ko Manasi ke roop me pehchaanane kaa daawaa kiyaa thaa.
Gataank se aage..................

Rai sahab :-“ (bhushan ki taraf dekhate hue)..... kya y wahi hai jo .......”
Bhushan :-“ (unka ishara samajhate hue)...ji haa sahab! Ye wahi hai ... kal raat yahi to thaa vo jo Niharika ji ko Manasi-2 kah raha thaa.....”

Rai sahab :-“ (chintit hote hue...).... kal raat kyaa Rohit ne us aadami par bahut jyada to nahi chillaaya thaa ? ”

Bhushan :-“ chillaaaye to the sahab!...... par vo to koyi badi baat naahi rahi .... kauno aadami bhee unaki jagah hota to wahi karat jaun chhote bhaiyyaa kare rahe ...... sachchee me thode he maar det hain koyi aise....(samjhaane jaise bhaaw me) haaa naahi to... ”
Rai sahab :-“(lambee saans chhodate hue) phir bhee ! ab Rohit ko kanoni daaw-penh ka saamanaa to karnaa hee padegaa naa..... humane galat kia jo kal usaki zid k aage jhuk gaye ....usako abhee bahar jaane hee nahi denaa thaa.... khair ab kyaa kiyaa ja sakataa hai ... (kuchh sochate hue) ... jaldi se jaa kar Sulochana ko ye baat bataa do aur unako yaha bulaa kar laao..... vaise Rohit aur Niharika kaha hain ?”

Bhushan :-“jee! vo dono to abhee apane-2 kamaro me hee honge”
Ye baat bol kar Bhushan Sulochana ko bulaane chala jaata hai thodi hee der me Sulochana Rai sahab ke paas aa jati hai. Usake chehare pad ud rahi hawayiyo se ye saaf pata hal raha tha ki Bhushan ne usako bhee vo khabar sunaa ya dikhaa dee thee.
Sulochana :-“ (chintit swar me) ye kyaa huaa..... Rohit ko koyi pareshani to nahi jhelani padegi naa .... ”
Rai sahab :-“usi ke intjaamaat ke liye to humane aapako yaad kiyaa hai... jaldi se Doctor sahab ko yaha bulaaiye...... aur unase unakaa letter pad bhee lete aane ko bol dijiye. Policiyaa tehakikaat me Rohit kaa naam aane me jyada der nahi lagegi.... ”

Sulochana ne fatafat doctor ko apane ghar pahuchane ke liye phone kar diyaa. Bhushan bhee Rohit aur Niharika kea apane-2 kamaro me hone ki pushti kartaa huaa vapas aa gaya. Usake mutabik Rohit to so raha thaa aur Niharika apane ghar par baat kar rahi thee tathaa naha kar neche aane ki baat bol rahi thee. bhushan ne abhee usako is hatyakand ke baare me nahi batayaa thaa.

Thodi hee der me doctor sahab bhe waha pahuch gaye, Rai sahab ne unako haalaat se awagat karayaa. Kal ki saaree baate Sun kar Doctor ne lambe saans let hue kaha
Doctor :-“ Rohit ki mental condition abhee ya kabee bhee itani unsettle(asthir) nahi rahi ki vo kuchh aisaa kare..... ye manasi naam ki ladaki jarur hee usaki bhad khaas rahi hai....aur Niharika ki shakl vakayi me usase milati hogi..... Rohit may be a unwell minded personality but he cant be disguised by a well known face ever...... (fir aane letter pad se ek kagaj faadata huaa ..)... Rohit ko police ki enquiry se bahaane ke liye mai usakee mental condition kaa ek certificate issue kar detaa hu... (Rai sahab ki taraf muskuraa ke dekhat hue)court me isakaa istemaal kaise karanaa hai ...ye to aap behtar jaanate hee hai ”
Rai sahab:-“khaas taur par issee certificate ke liye hee maine aapako yaha bulwaaya thaa...... ab mai baaki ki karywaahi jald court ke shuru hote hee kar lungaa ... bas darr sirf iss baat ka hai ki humare haath me court ka stay order aane se pahale police yaha naa aajye ”
Doctor :-“agar aap kahe to ...... stay order Milan se pahale mai Rohit ko apane sath apane asylums (pagal-khaanaa) me le jaau...jaise hee aapako vo order milataa hai , aap Rohit ko vapas bulawaa lijiyegaa.....”

Rai sahab :-“nahi Doctor sahab ! hum apane bhai ko pagal khane bhejane ke baare me soch bhee nahi sakate.... aapakaa bahut-2 shukriyaa..”
Doctor samajh gaya ki ab Rai sahab apane shareefaanaa andaaj me usako waha se jaane ke liye kah ahe hai, ishaare ko samajhataa huaa vo vaha se jaane ki ijajat le letaa hai......

Idhar doctor waha se nikalataa hai aur udhar Niharika apane kamare se neeche aati hai, usako bhee ye baat bata dee jaati hai..... sunate hee aash’anuroop uake haath paanw phool jaate hain. Mushkil se ek hafta (week) bhee nahi huaa thaa use apane ghar se nikale aur har roj kuchh naa kuchh naya aur khatarnaak ‘haadasaa’ jaisaa hee usake saath ho raha thaa. Bechaari sirf apanee family problem ki vajah se hee itanaa sab jhel ahi thee nahi to normal condition me vo kab kee yaha se apane ghar bhaag jaati. Abhee Rai sahab Niharika se kuchh baat kar paate ki unake naukar ne unhe police ke aane ki suchanaa de dee ...............

To be continued ............
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Page generated in 0.01619 seconds