View Single Post
  #819  
Old 7th September 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,064
Rep Power: 111 Points: 40959
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
hey Haajipur ke divya purush! Hume apane aap ko samarpit kijiye jisase hum aapaki chikitseey (medical) jaanch karate hue ...aapake ghaaw ki satyataa ko pramanit kar sake ..
Gataank se aage .............

Bhushan usaki baat ko sun kar Rai sahab ki taraf dekhata hai ......
Rai sahab :-“ghabraao nahi Bhushan! Tum bina kisi hikichahat ke saath inake saath jaao...ye tumhase jo bhee puchhenge vo tum inhe sab sach sach bata denaa...... (Bhaarat ki taraf mukhatib hote hue)...... aap par bharosaa karake bina apane kisi assistant ko isake saath kiye mai ise aapake saath bhej raha hu....... koyi jyadati naa hone paaye isake saath... ”

Bhaarat ne muskuraate hue haami bhar dee aur Bhushan ko apane saath leke chala gaya.... bhaarat ke jaane ke baad lagbhag sabane chain kee saans lee.......
Sulochana :-“(raisahab se )..... aap chaaku ke milane ke baad bhee itane itminaan se kaise baithe rah gaye the...... kyaa us chaaku kaa milanaa aapake liye koyi badi naat thee?..... ”

Rai sahab :-“(muskuraate hue) lagataa hai humaari dharma patni ko hee ab humaaree kaabliyat par shque ho gaya hai......(sulochana ke chehare par jhunjalahat dekh kar )...are bhaai! ...... humane e-mail se S.P. sahab ko jo FIR likhwaayi the usame yahi to likhaa thaa ki humaare ghar me vo kale kapade waala aadami 2 baar gair kaanooni tarike se ghusaa thaa....... (prashnatmak tarike se dekhate hue ) aur ye chaaku kab milaa humaare ghar me ?............. (khud he jawaab dete hue)... us kale kapade waale aadami ko humaare ghar me dekhe jaane ke baad............. yakinan ye ‘chaaku’ agar vohee ‘chaaku’ hai ....jisakaa ki hume bhee puraa yakeen hai...... to ye apane aap ek bada evidence (saboot) hogaa kaatil ke khilaaf par ..... abhee to hum yaha bade aaraam se ye siddh kar sakate hain ki ye chaaku iss ghar me ya iss kamare me us kale kapade waale aadami ne hee plant kiyaa thaa...... DSP bhaarat bhee iss baat ko samajh gaya thaa.... (fir se muskuraate hue sulochana se ).... ab to aap samajh hee gayi hongee ki us chaaku ke milane se hume koyi fark kyo nahi pada thaa....”

Rai sahab ki baate sun kar Niharika bhee kuchh santusht dikhayi dee fir ......
Rai sahab :-“Niharika! Kyaa aapane is chaaku ko pahale kabhee dekhaa thaa.....meraa matlab iss ghar me yaa iss kamare me................. ?”

Niharika :-“nahi Sir! Maine aaj pahali baar is chaaku ko dekhaa thaa......... mujhe to pata bhee nahi chala ki kab ye chaaku yaha pahuch gaya..... kal raat bhee main eek saya apane kamare ke bahar dekhaa thaa ...fir usake thodi hee der baad ..bhushan bhaiyaa ki cheekh sunaayi dee thee...... .. hadase ki dahshat ki vajah se main aap logo ko ye baat bata nahi paayi ...... sach kahu to us train ki cabin me kale kapade waala aadami mujhe Kundan daas ke mukabale jyada safe lag raha thaa par ab yu usakaa baar-2 yaha aanaa meri samajh se baahar hai.....”

Rai sahab :-“exactly !..yahi to vo baat hai jo rah -2 kar humaare dimaag me khatak rahi hai ..agar usako kuchh karanaa hee hotaa to vo vahee train me hee aapake saath jo chaahe vo kar sakataa thaa par vaha usane kuchh nahi kiyaa aur yaha baar -2 is ghar me usakaa aanaa ........... (gambheer hote hue)... naa jaane usakaa iraadaa kyaa hai....... usaka baare me jaisaa humane sunaa thaa usase humane yahi sochaa thaa ki shayad usaki Kundan daas se koyi dushmani thee ya fir Kundan daas ne kuchh behad galat kaam kiyaa hoga usake saath ........jisakee vajah se usane itani berahami se kundan daas ka khoon kiyaa..... par ab usakaa yu yaha baar-2 aana ...... ”

Sulochana :-“ shayad ab usako Niharika se khataraa mehsoos ho raha ho .........(Niharika aur Rai sahab ko chintit dekh kar).... aap dono yu chintaa naa kare ! security bahut tight kar dee gayi hai .... vo ab yaha nahi aa payegaa .... .. (kuchh yaad aata hai fir ) ...... chaliye ab jara in sab baato se apanaa dhyaan hata kar aaj ‘Jaipur Foot Center’ ke .... expert aapako dekhane aa arahe hai ...unake aane kaa bhee time ho raha ..... pichhali baar vo log aapake pair ka measurement (naap) le hee gaye the...... (khush hote hue) Bhagwaan ne chaahaa to bahut jald hee aap is wheel chair ke binaa bhee ghum fir sakenge”

Niharika ko kuchh samajh me nahi aa raha thaa to usako bataate hue ....

Sulochana :-“ Jaipur Foot Center vo jagah hai jaha par door-2 se log apane un ango, khaas taur par haath-paanw (hands and legs) vapas paane ke liye aate hai jinhe vo kisi na kisi haadase me kho dete hai........... ke kritrim (artificial) roop paa jaate hai..... kaafi saare logo ne inhe badi safalataa purvak apanaaya hai...... vaise to ye kaam surgeon(shalya-chikitsak) ek operation ke jariye un artificial limbs (kritrim ang ‘nakali body parts’’)......ko sharer me fit kar dete hain par un experts ka kahanaa hai ki Rai sahab ko pahale detachable (alag ho sakane waala) pair ki aadat daalani chahiye taaki aage jab nakali pair inake shareer se judenge tab tak inhe un nakali pairo ka abhyaas ho chukaa hogaa ”

Rai sahab :-“ (sulochana ki khushi dekhate hue..... majaak me )..... aap bhee nahi chahati ki jo aaraam hume is pahiye waali gaadi se mil raha hai vo aage naa mile.... ”

Sulochana :-“(thodaa gusse se ).... Bhushan ki tarah aapako bee bak-bak karane ki aadat pad gayi hai shayad ..... jyada bak-bak naa kare aur chup chaap jakar taiyaar ho jaaiye ...vo log kisi bhee samay aate honge....”

Rai sahab ne muskurate hue apani wheel chair ko aage badhaaya aur ...... jaate-2 unhone Niharika ko kuchh kaam bataaye jo Niharika ko lunch time tak karake denaa thaa......

To be continued ............
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Have you seen the announcement yet?
Page generated in 0.01601 seconds