View Single Post
  #791  
Old 6th September 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,565
Rep Power: 113 Points: 41106
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
Bhaarat:-“suhkriyaa!...mujhe sirf Niharika jee ke saaman ki talaashee leni hai...baki kisi aur cheej me meraa interest nahi hai....”
Rai sahab :-“bade shouk se! (niharika ki taraf ishaaraa karate hue)...inhe apane kamare me le jaiye aur inaki madad kariye”

Niharika bina kuchh kahe apane kamare ki taraf chal padati hai ..... usake saath-2 vo dono lady police bhee jaati hain..... niharika ke kamare me ....peeche-2 Bhaarat ka jaana to laajimi hee thaa aur Rai sahab,Sulochana waha kyo naa jaate ...so unakaa naam likhane ki aisee koyi aawashayakataa to thee nahi fir bhee likh deta hu .......waha jaakar Bhaarat ke ishaare par lady police ne saara saamaan jo abhee BAGs me hee thaa use ulat pulat ke dekh daalaa par kuchh bhee aapattijanak vastu nahi mili .... jab un police waaliyo ne apane haath khade kar diye tab Niharika ne ek vijayi muskaan ke saath Bhaarat ki taraf dekhaa....

Bhaarat :-“(kuchh kheejata huaa sa)..... ‘well every DOG has a day’ ...... meraa waalaa aaj nahi hai shayad..”

Tab tak Bhushan ji, jo iss kshanik vijay se gauravanvit mehsoos kar rahe the.... bol pade ...

Bhushan :-“agar is kamare ki talaashi se jee naay bharaa ho Darogaa babu! To upar waala kamaraa maa bhee jhaank ke dekh liyo....abhee jas kaa tas hai uhaa sab..”
Usaki baat sunkar jaha Rai sahab,Niharika aur Sulochana kheej gaye the wahi Bhaarat ke kaan khade ho gaye the .... fir ekdum se use kuchh yaad aata hai .....
Bhaarat :- “(chidhe hue swar me).....Haajipur ke Kaaji sahab ! agar apanee aankhe khol kar dekhenge to meree ye wardee par jade sitaare DSP ke hai naa ki kisi DAROGA ke...(Bhushan apane kandhe uchakaa detaa hai ...jisase Bhaarat aur bhee chidh jaata hai...fir usako ignore karataa huaa).... aur ye upar wale kamare kaa kyaa chakkar hai ..... (rai sahab ki taraf dekhata huaa) kyaa ye kamaraa Niharika kaa nahi hai ?....”

Sulochana :-“dar-asal kal ke haadase ke baad ...humane Niharika ko upar wale kamare me rakhanaa safe naa samajhaate hue isako apane paas waale kamare me rakhane kaa faisalaa kiyaa thaa...... kal raat se pahale ye upar ke kamare me hee rahi thee....par waha kaa saaraa saamaan to yahi par hai ....I mean Niharika ka samaan ...”

Bhaarat :-“fir bhee mai use dekhana chahungaa Madam..”

Rai sahab :-“aap apane saare armaan pure kar lijye Dsp sahab .....baad me mat kahiyegaa ki koyi kasar chhut gayi thee aapase ...kisi bekasoor ko fansaane me ...”
Bhaarat kuchh kahata nahi bas apane kandhe uchaka detaa hai. Sulochana bhushan ko isharaa karati hai police team ko upar waale kamare me le jaane kaa... bhushan apane peechhe-2 aane kaa bol kar upar ki taraf badh jaata hai ....
Fir se puri mandali upar ke kamare ki taraf badh jaati hai ..... upar ke kamare me saari almaariyaa to pahale se hee khaali padi thee....to unhe to ek najar me hee dekh kar ye faisalaa ho gaya ki uname kuchh nahi hai ..... baaki bed ke gaddo ko ulatane pulatane ki bhee formality puri karake dekh lee gayi ...so waha bhee kuchh naa milaa.... bhaarat ne ek aakhiri koshosh karate hue bathroom ko khud check karane ka nirnay liyaa.... usane bath room me pahale to sirf ek sar-sari najar bhar daali fir kuchh soch kar usane bath room me lage flush tank ke dhakkan ko khol kar dekhaa ...dhakkan kholate hee usaki aankho me chamak aa gayi..... flush tank me ek chaaku pada huaa thaa...... usane gloves (dastaane) pahanate hue us chaaku ko uthaa liyaa aur bahar aa kar baki sabako dikhaantaa huaa ....

Bhaarat :-“bas ! kuchh aisi hee cheej ,ilane kaa mujhe shaque thaa..... kyaa khub milaa hai ye bhee”

Jaha sab use dekh kar pareshaan ho jate hai wahi ..Rai sahab abhee bhee apani muskaan kaa daaman nahi chhod rahe the....

Bhaarat :-“ (rai sahab ki muskurahat se kuchh andaaja lagaate hue)...... ab aapkaa! Isake baare me kyaa kahana hai Rai sahab ...”
Rai sahab :-“ye kuchh khaas cheej nahi hai mere liye ..... khaas taur par tab ,jab vo kale kapade waala aadami yaha do baar aa chukaa hai ..... aur ‘khushkismati’ se (fir se vyangatmak andaaj me).. aapaki nahi Niharika ki khushkismati se ...... aapane ye chaaku humaari FIR ke baad baramad kee hai...atah ye chaaku humaare liye koyi mayane nahi rakhataa naa hee koyi bhee adalat isako Niharika ke khilaf kisi sabot ke taur par kabool karegi...... ”

Bhaarat :-“ (prabhavit najaro se Rai sahab ko dekhata huaa).... aapaki baato me dum hai Rai sahab ....par ye chaaku mere liya fir bhee behad aham suraag saabit ho sakataa hai.... ye wahi chaaku hai ki nahi jisase kundan daas ka katl huaa thaa..... ye to sirf laboratory ki jaanch se hee pata lagegaa.... filhaal to mai ise hee baramad karake le jaata hu...raha sawaal us kale kapade waale kaa ...to mai abhee bhee apani usi theory par kaayam hu ki aise kisi kale kapade waale aadami ka astitwa kam se kam us raat me to nahi thaa...jis raat kundan daas ka katl huaa thaa....”

Rai sahab :-“aapako apani theory par kayam rahane ka pura-2 haque hai janaab ...par kripayaa hume us theory par chalane par majboor naa kare.....”

Bhaarat :-“majboor mai nahi mere sabot karenge aapako ....filhaal ....aaj ki mulakaat me to aap fir se bhaaree pade hain .... (muskuraate hue) next may be MINE... ab to haath mila he lijiye... ” aur muskuraataa huaa apanaa haath aage karata hai jise Rai sahab apane hath se milaate hue .......
Rai sahab :-“case ko jald se jald nipataa kar apane record ko bar’karaar rakhane ki soch se itar yadi aap khule dimaag se anyaa pahaluo par dhyaan denge to shayad ye case aapako itnaa pecheedaa nahi lagegaa”

Bhaarat :-“ye sab hum aane waale vakt par chhod dete hain.... fir se takleef dene aaungaa...abhee to chalungaa......(bhushan ko dekhata huaa...)..... hey Haajipur ke divya purush! Hume apane aap ko samarpit kijiye jisase hum aapaki chikitseey (medical) jaanch karate hue ...aapake ghaaw ki satyataa ko prmanit kar sake .....”

To be continued .....
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं…

My story-:-
Illusion......Ek Bhram???
(Completed)

Reply With Quote
Page generated in 0.01414 seconds