View Single Post
  #302  
Old 24th August 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,565
Rep Power: 113 Points: 41106
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
vo Kundan Daas murder case ke silsile me Niharika se milanaa chahtaa hai
Gataank se aage:-

unhe living room me baithaa kar Chaay vagairah pilaao tab tak Niharika nashtaa karke aa rahi hai.....Rai sahab ne ek baar Niharika ki taraf dekh kar bola jo ab kuchh fikramand dikh rahi thi. Aap fikra mat kariye, aap par koyi dabaaw nahi padane diya jayegaa..... Rai sahab ne Niharika ko chinta mukt karane ki koshish karate hue kaha. Kal raat ki baat ko na batanaa jyada theek rahegaa, vaise bhee vo shayad tumhare thake aur dare hue dimaag ka BHRAM raha hoga..... Sulochana ne apani baat rakhate hue kahaa. Par Niharika ko to yakeen hai naa ki jo kuchh usane dekha tha vo vaastvikata thee na ki uska BHRAM.....ab Rai sahab ne kaha. Khud Niharika ab soch me pad gayi thi ki kal raat wali ghatanaa usakaa BHRAM tha ya vastvikataa?

Inhee sab baato ko sochati huyi vo living room me aa pahuchee. Vaha use vo cid officer chaay peetaa huaa mila. Niharika ko dekhate hee usane chaay ka cup center table par rakhate hue ek muskurahat ke saath usakaa swaagat jaisa kiya aur apanaa haath aage badhate hue kaha, Ji! Naacheez ko BHAARAT SHARMA kahate hai, mai cid department me DSP ki chhoti si post par naukari kartaa hu. Chand chhote-mote case suljhane ki vajah se mera department mujhe bada kabil officer samajh baitha hai. Do roj pahale pahale hue Kundan murder case ki jaanch ab humaree nigrani me hogi aur mai is case ka Officer incharge rahaungaa. Niharika ne usake badhe hue haath se apanaa haath milane ki jagah Namaskaar se uskaa abhivaadan kiya. ..... Apane badhe hue haath ko vapas karate hue vo samajh gaya ki ye ladki abhee bade shaharo ke taur tariko se anjaan hai.

Maine apana statement pahle hee de diya tha ab aur kya puchhana chahate hain aap! Niharika ne living room ke ek sofe par baithate hue puchhaa. Vo to ek sadharan policiyaa formality thee madam, ab ye case cid ke dayare me aa gaya hai. Aapkaa bayaan Kundan daas ji ki personality ke hisaab se fit nahi baith raha. Bhaarat ne aage bolate hue kaha, aapke kathan anusaar kundan daas ne us kaale kapade wale se bachane ke liye aapki gardan par chaku rakha tha jisaki ummeed kisi sadak chhaap gunde se to ki ja sakati hai par Kundan daas jaise sabhya shahari se nahi. Ek baar ko ye maana ja sakataa hai ki kisi musibat me padkar vo shayad aisa kar sakate the magar apani jeb me chaku rakhana......ye to kundan daas jaisee mash'hur shakhsiyat ke baare me sochana bhee jara tedhee kheer hai.

Ji dekhiye! Mai na to Kundan daas ko janti hu naa hee us kaale kapade wale ko. Meri badkismati kahiye jo mai us raat train ke usi compartment me thee jaha ye sab ghatanaa ghati. Aapke kundan daas ne to meri gardan par chaku rakhate hue mujhe apani dhaal banaa'na chaah raha thaa, usi ke chaku se mile ghaav ka nishaan aapko meri gardan par dikhayi de jayegaa jise aap ek sabhya shahari ka darjaa de rahe hain. Niharika ne apani baat khatm karate hue kaha. Yahi to vo baate hain jinaki vajah se State government ne ye case bina koyi der kiye hume saunp diyaa hai..... Bhaarat ne chaay khatm karate hue kaha.

Tabhee Rai sahab apani wheel chair par waha pahuch gaye aur Bhaarat se mukhatib hote hue bole........ Apani jaankari ke dayare ko badhaiye Dsp sahab! Kundan daas ke upar humaare hee NGO ne kayi baar gareebo ki jameene hadapane ke case darj karaye hain. Apani buildings ko banwane ke liye mauke ki jameen ko saste se saste daamo par hadapane ke liye vo har hath'kande apnaane wala aadami thaa. Magar kisi bhee case me aaj tak kuchh bhee aisa sabit nahi huaa Rai sahab..... Bhaarat ne Rai sahab se aage badhkar haath milaate hue kahaa.

Aapase pahale kabhee mulakaat to nahi huyi magar aapke baare me bahut sunaa hai Rai sahab, aur yakeen maaniye jitanaa bhee sunaa hai sab achchha hee sunaa hai..... Bhaarat ne muskurate hue kaha. Maine bhee aapake baare me achchha hee sun kar baithaa hua hu DSP sahab..... Rai sahab ne pratyuttar me muskurate hue hee kaha. jyada din nahi beete hai jab akhbaaro me ek yuwaa police officer dwaraa Co-operative bank ghotaale ke gunaah'gaaro ko apani sujh bujh aur bahaduri se pakadwane ki khabar se bhare pade the. President medal jeet kar aapane na kewal apane maa baap ka balki humare pure shahar ka naam roshan kar diya...... Apani baat ko jaari rakhate hue Rai sahab ne kaha. Aap Kundan daas ke dusare rango ko bhee dekhane ki koshish kariye DSP sahab!


Humari najaro se koyi bhee rang nahi chhup saktaa Rai sahab bas chand dino ki baat hai, mai fir aaungaa Aapase aur Niharika ji se milane abhee to kuchh aur jaruri kaam yaad aa gaya hai...... Itanaa kahkar vo dono ki taraf haath hilaa kar living room se chalaa gayaa.

To be continued.......
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं

My story-:-
Illusion......Ek Bhram???
(Completed)

Reply With Quote
Page generated in 0.01563 seconds