View Single Post
  #285  
Old 23rd August 2011
friend_just_buddy's Avatar
friend_just_buddy friend_just_buddy is offline
:known stranger:
  Mr Xossip: Mr XP Contest Winner    Super Moderator: Moderator of all forums    Silver Coins: Contributed $25-$100 for XP server fund      
Join Date: 2nd August 2008
Location: Xp
Posts: 69,565
Rep Power: 113 Points: 41106
friend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps databasefriend_just_buddy has hacked the reps database
Quote:
Niharika ke saare shaareer se paseena baandh tod kar bahatee nadi ke samaan bahane laga thaa. fir dheere dheere usake ghutano me jaan khatm hone lagi aur vo behosh ho kar wahi farsh par gir gayi.
gataank se aage:--

jaane kitani hi der Niharika wahi padi rahi, jab raat ke khane ke liye Bhushan use bulane aaya to usake kafi der tak darwaja pitane par bhi jab Niharika ne darwaja nahi kholaa to Bhushan niche se Sulochana ko bulaa laya. Sulochana ne aur naukar ki madad se darwaja khulwaya. farsh par padi Niharika ko dekh kar Sulochana chinta me pad gayi , Doctor ko fauran bulaya gaya. Doctor ne jaanch karane ke baad kisi sadme ki vajah se behosh hona bataya. injection de kar doctor chala gaya aur Niharika ke liye sirf aaraam ka khyaal rakahane ko bol gaya.


subah jab Niharika ki neend khuli to ghar ki ek mahila naukarani waha baithi huyi thi, usane fauran Sulochana ko is baat ki suchanaa de di.Sulochana ne aane k baad Niharika se usaki tabiyat ka haal puchhaa aur usake behosh hone kaa karan bhi. jab Niharika ne use raat ka saaraa kissaa bataayaa to Sulochana ki hairani ka to thikaanaa hi naa raha.usane Niharika ki baat ko sunane ke baad khidaki ko aur khidaki ke bahar dhyaan se dekhaa. vo khidaki 2nd floor par thi aur usake niche aisaa kuchh bhi nahi thaa jisake upar koyi khada ho sake. magar Niharika ne ye sab baate pure hosh-o-hawaas me sekhane ka daawaa kiya tab Sulochana ne ye saari baate Rai sahab se kah sunayi. unhone bhi tajjub jataaya par baat ki gambheerataa ko samajhate hue turant Police ko inform kar diyaa.

police ki taraf se jo officer bhejaa gaya thaa vo shayad iss “puchh taachh” type kaam me jyada interested dikha. usane mahaj khana-purti karate hue thode-bahut sawaal Niharika aur ghar ke saare naukaro se karake, uchit karywahi ka aashwasan deke chalataa banaa. Rai sahab ne ghar ke security guards ko bhe chaukasi baratane ka vishesh nirdesh de diyaa. Ye sab hote hote naashte ka time ho gaya thaa Niharika bhi raat ki bhukhi thi to Sulochana ne fatafat naashtaa lagawaa diyaa. naashte ki table par aaj chhote malik bhi baithe the, jo lagatar Niharika ko hee ghoore jaa raha thaa. usaki nigaaho kit apish Niharika ko apane pure sareer par mehsoos ho rahi thi. usaki khaamosh nigahe lagataar kuchh aisa kah rahi thi jo Niharika samajhanaa chah kar bhi nahi samajh paa rahi thi.


Rai sahab! jo kaafi der se ye sab dekh rah the unhone baato ka silsilaa shuru karate hue us naujawaan ko sambodhit karate hue puchhaa…… raat me tum aaraam se soye the ki nahi Rohit! hmmmm…. bolkar Rohit ne jawab diyaa. achchhaa to Rohit naam hai isskaa….Niharika ne apane mann me sochaa. are soye kaha the? ye to raat bhar apanaa vahi tun-tunaa bajaaye rahe the… bhushan ne shikayati lahaje me kaha. Bhushan! use guitar kahate hai ….. Sulochana ne kaha. are oo susaraa jaune kuchh hoye…. magar humaraa to neende hee kharab kar dete hain Chhote bhaiyya ji…Bhushan ne fir se apani kheej ko jahir kiyaa. Sulochana ne iss baar kuchh aur kadi najaro se usako ghuraa to vo sakapakaa kar kitchen me chala gaya.

unase alag rah bhi nahi sakataa aur jhooth-mooth kaa muh bhee banaataa hai……Rai sahab ne muskuraa kar kaha. Tabhi Rai sahab ke gate keeper ne kisi CID officer ke aane ki ittilaa di jo Kundan Daas murder case ke silsile me Niharika se milanaa chahtaa hai ………….

To be continued…………
______________________________

बड़ी गुस्ताख है तेरी यादें, इन्हें तमीज सिखा दो..
दस्तक भी नहीं देती, और दिल में उतर आती हैं

My story-:-
Illusion......Ek Bhram???
(Completed)

Last edited by friend_just_buddy : 23rd August 2011 at 07:25 PM.

Reply With Quote
Page generated in 0.01378 seconds