Xossip

Go Back Xossip > Mirchi> Stories> Hindi > Prem-Sadhna

Reply Free Video Chat with Indian Girls
 
Thread Tools Search this Thread
  #1  
Old 30th December 2009
jatin2121's Avatar
jatin2121 jatin2121 is offline
BAAT EK RAAT KI
  Storyteller: Valentine's Love Guru    Annual Masala Awards: Thread of the Year      
Join Date: 5th April 2009
Location: Unke Dil Mein
Posts: 1,035
Rep Power: 16 Points: 4376
jatin2121 is hunted by the papparazijatin2121 is hunted by the papparazijatin2121 is hunted by the papparazi
UL: 18.40 gb DL: 18.42 gb Ratio: 1.00
Prem-Sadhna

“When it comes to love between men and women, than love has infinite possibilities. It can be beautiful seduction. It can be beautiful erotica. And ultimately it can also be God. It all depends upto what level lovebirds are ready to go in journey of love” -------- jatin (the author)

We will continue this theme in prem-sadhna



Prem-Sadhna



Purnima ki raat hai, chaand ki chaandni charo aur faili huyi hai. Varsha apni balcony mein khadi huyi chaandni mein lahlahaate kheto ko dekh rahi hai. Par uska dil bahut bechain hai


“Uff ye chaandni raat kya aaj hi honi thi, ab main kaise baahar jaaungi, kishi ne dekh liya to mushibat ho jaayegi. Andhera hota to araam se nikal jaati. Ab kya Karun ? ……. Madan mera intezaar kar raha hoga, kaise jaaun main ab………… vaise mujhe yakin hai ki vo meri mazburi samajh jaayega”


Varsha man hi man ye sab soch rahi hai



Idhar madan bhi chaandni raat mein lahlahaate kheto ko dekh raha hai. Aisa lag raha hai jaise ki havaayein chaandni raat mein kheto mein geet ga rahi hain. Bahut hi sunder nazaara hai. Par madan jyada der tak ish nazaare mein kho nahi pata kyonki vo badi bechaini se varsha ka intezaar kar raha hai


Vo soch raha hai ki agar varsha kishi tarah se aa gayi to vo dono pehli baar aisi tanhaayi mein milenge.

Aaj subah varsha ne mandir ke baahar madan se kaha tha, “madan pita ji mere liye ladka dhund rahe hain, mujhe bahut dar lag raha hai”

“Tum chinta mat karo…aisa karo aaj raat apne banglow ke peeche ke khet mein milo ……hum araam se baat karenge”

“main vaha kaise aaungi madan, mujhe dar lagta hai”

“Mujhe itna pyar karti ho, phir mujh se akele mein milne se kyo darti ho”

“Vo baat nahi hai madan, main to ye kah rahi thi ki raat ko ush sunsaan khet mein kaise aaungi mein, kishi ne dekh liya to”

“ush khet ki zimmedari mujh par hai, main hi raat bhar uski rakhvaali karta hun, vaha darne ki koyi baat nahi hai, tum aao to sahi hum dher saari baate karenge”


“Vo to theek hai ………… Acha main koshis karungi, mere liye ghar se nikalna bahut muskil hoga, par main puri koshis karungi”

Ye baatein huyi thi subah mandir ke baahar dono ke beech

Idhar varsha abhi bhi kasamkash mein hai ki kya kare kya na kare. Vo himmat karke chalne ka fansla karti hai

Vo chupchaap seedhiyon se dabe paanv neeche utarti hai aur ghar ke peeche ki dewar par chad kar khet mein utar jaati hai. magar har pal uska dil dar ke maare dhak dhak kar raha hai


“Kahan hai ye madan, ushe kya yaha nahi khade rahna chaahiye tha, main akeli kaise ushe dhundungi” --- varsha man hi man badbada rahi hai.


Idhar madan ko bhi ahsaas hota hai ki ushe varsha ke banglow ki taraf chalna chaahiye

“Agar varsha aa rahi hogi to akeli dar jaayegi”

Vo sochta hai aur varsha ke banglow ki taraf chal deta hai.


Varsha dari dari aage badh rahi hai, vo saamne se aate ek saaye ko dekh kar dar jaati hai aur vaapis mud kar bhaagne lagti hai.


“arey ruko varsha, ye main hun tumhaara madan” --- madan peeche se awaaj lagaata hai

Varsha ruk jaati hai aur peeche mud kar dekhti hai ki madan uski taraf dauda chala aa raha hai


“Tumhe meri bilkul parvaah nahi hai, kya tumhe banglow ke paas nahi hona chaahiye tha”

“Varsha pita ji saath the, vo aaj mujhe ghar bhej kar khud khet mein rukna chaahte the, badi muskil se unhe yahan se bheja hai”

“Pata hai kitna dar lag raha tha mujhe, main kabhi bhi raat ko aise baahar nahi nikli hun, aisa lag raha tha ki koyi mera peecha kar raha hai” --- varsha ne gusse mein kaha


“Main samajh sakta hun varsha, mere bas mein hota to mein khud tumhe apni godi mein utha kar laata” ---- madan ne kaha

“Bas-bas rahne do”

“Main sach kah raha hun varsha mera yakin karo”

Ye kah kar madan varsha ko apni baahon mein jakad leta hai

Varsha ke tan badan mein beejli daud jaati hai, vo pehli baar madan ki baahon mein thi, vo bhi raat ki tanhaayi mein


“Chhodo mujhe madan ye kya kar rahe ho”

“Varsha main bahut khus hun …… mujhe bilkul yakin nahi tha ki tum aaogi….. mujhe thodi der apne karib rahne do”

“mujhe sharam aa rahi hai madan, chhodo na”

Madan varsha ko chhod deta hai, aur apni aankho mein aaye aansuvo ko ponchne lagta hai

“kya huva madan ?…. mujhse koyi galti huyi kya ? ….. theek hai bhar lo mujhe baahon mein, main to bas ye kah rahe thi ki mujhe sharam aa rahi hai. pehle kabhi tumhaare itne karib nahi aayi na…..” ---- varsha madan ke kandhe par haath rakh kar kahti hai

“Varsha jab se tumse pyar huva hai kabhi sapne mein bhi nahi socha tha ki tumhaare itne karib aa paaunga. Aankhe bhar aayi hain tumhaare itne karib aa kar, kahan tum kahan main” – madan ne bhaavuk ho kar kaha

“kahan tum kahan main ka kya matlab ???, ab pyar mein bhi kya ye sab socha jaata hai”

“Vo to theek hai varsha par tum nahi jaanti tumhaara pyar mere liye ek khwaab sa lagta hai. Hum dauno aksar aankho aankho mein baat karte aaye hain, bahut kam hum dauno ne muh se baat ki hai, vaise bhi yaha milne ka mauka hi kaha hai jo kuch baat karein. Bade dino baad aaj mandir ke baahar baat huyi thi aur aaj hi pehli baar hum tanhaayi mein mil rahe hain…. Kya ye sab sapna sa nahi lagta?”

“haan madan mujhe bhi ye sapna sa lagta hai, pata nahi main kyon tumse pyar kar baithi hun, mujhe ache se pata hai ki ish pyar ka anjaam bahut bhayaanak hoga par phir bhi jaane kyon…. Mera dil bas tumhaare liye dhadakta hai”

“Varsha chalo kahin bhag chalte hain, yaha se bahut dur jaha ye unch-neech, jaat-paat ki dewar na ho”


“Madan main tumhare saath kahin bhi chalne ko taiyar hun par pita ji hamein dhund nikaalenge aur hamein vo khaufnaak saja milegi jishki tum kalpana bhi nahi kar sakte”

“Maut se jyada khaufnaak kya ho sakta hai varsha”


”Tum abhi mere pita ji ko nahi jaante, vo tumhaare pure parivaar ko tabaah kar denge, main aisa hargiz nahi hone dungi”

“To iska kya ye matlab hai ki ish pyar ko hum bhul jaayein aur ish duniya ke aage ish pyar ka balidaan kar dein”


“Maine aisa to nahi kaha madan”

“Phir tum kahna kya chaahti ho”


“Hum saath jee nahi sakte par saath mar to sakte hain”

Ye kahte huve varsha ki aankho mein aansu utar aaye

“Ye kya paagalpan hai varsha… aise dil chota karne se kya hoga, agar bhagvaan ne ish pyar mein hamaari maut hi leekhi hai to kyon na hum ek koshis karke marein, kya pata hamaare sache pyar ke aage bhagvaan ka dil peeghal jaaye aur vo hamein ek khushaal zeendagi de dein”

“Kaisi kosish madan, main samjhi nahi” varsha ne apne aansu ponchte huve kaha


“Hum yaha se bahut dur chale jaayenge, bahut dur…. jaha kishi ko hamari jaat paat ka pata na ho”


“Hum kaha rahenge madan, hamare paas kuch bhi to nahi hai”


“Jish bhagvaan ne ye pyar banaaya hai vahi ish pyar ko manjil tak bhi ley jaayenge, chalo sache man se apne pyar ke liye ek koshis karte hain, baaki sab bhagvaan par chhod dete hain. Koshis karne se kuch bhi mil sakta hai varsha, bina koshis kiye haar maan-na is pyar ka apmaan hoga”


“Main tumhaari hun madan, mujhe jahan chaahe vaha ley chalo, mujhe apni chinta nahi hai. apni chinta hoti to ye pyar hi na karti. Mujhe bas tumhaari aur tumhaare ghar walo ki chinta hai”

“tum kishi ki chinta mat karo, jishne ye jeevan diya hai vahi iski raksa bhi karenge, mujhe bhi apne ghar walo ki chinta hai, par main apne dil ke haatho majbor hun, mujhe yakin hai ki sab kuch theek hoga” ---- madan ne kaha

“theek hai madan jaisa tum theek samjho”




chand ki chaandni charo taraf faili huyi hai aur do pyar mein dube dil duniya ki har dewar ko tod kar aage badhna chaahte hain.


Hare hare khet ke ek kone mein aam ke vriksha ke niche do dil apne pyar ko manjil tak ley jaane ki baate kar rahe hain




To be continue.......................................Jatin

Reply With Quote
  #2  
Old 30th December 2009
aniruddha90 aniruddha90 is offline
 
Join Date: 16th April 2008
Posts: 60
Rep Power: 16 Points: 17
aniruddha90 is an unknown quantity at this point
Great new story(or say novel) from great writer

keep going

Reply With Quote
  #3  
Old 31st December 2009
lion01 lion01 is offline
 
Join Date: 21st November 2009
Posts: 27
Rep Power: 12 Points: 7
lion01 is an unknown quantity at this point
hi jatin, very very interesting start bhai, read each line and felt very very nice. all the best for another great love story

Reply With Quote
  #4  
Old 31st December 2009
brijand's Avatar
brijand brijand is offline
@@ Death is Hereditary @@
 
Join Date: 6th March 2008
Location: In Hell....
Posts: 6,885
Rep Power: 45 Points: 27507
brijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps databasebrijand has hacked the reps database
Send a message via Yahoo to brijand
Hi dear Jatin Bhai.....

Ek aur jabardast story.....Bahut badiya yaar, ye story Prem-Sadhna bhi bahut badiya jayengi...mai aisi kamna karta hu...varsha aur madan ka pyaar..appki kahani me badhta jaaye...aur jaisa aapne bataya din-duniya aur jaat-paat se bahut dur chale jaye...story continues bhai......

Best of luck....
regards

Brijand.
______________________________

Life is like an onion.

Why ???
Because you peel away layer after layer and when you come to the end you have nothing.


Last edited by brijand : 31st December 2009 at 01:04 AM.

Reply With Quote
  #5  
Old 31st December 2009
Shakespeare002's Avatar
Shakespeare002 Shakespeare002 is offline
MaRnA tO pAdEgA dAdA :smoking:
  Diamond: Contributed more than $250 for XP server fund    Diamond: Contributed more than $250 for XP server fund    Storyteller: XP's Ultimate Erotic Story Contest    Gold Coins: Contributed more than $100 for XP server fund      
Join Date: 21st September 2008
Location: Somewhere else
Posts: 13,344
Rep Power: 45 Points: 22503
Shakespeare002 is one with the universeShakespeare002 is one with the universeShakespeare002 is one with the universeShakespeare002 is one with the universeShakespeare002 is one with the universe
Send a message via Yahoo to Shakespeare002
UL: 4.44 gb DL: 6.49 gb Ratio: 0.68
You could be even better bro...

All the best
______________________________
One of the hardest thing in life is watching your love loving someone else

Reply With Quote
  #6  
Old 31st December 2009
HotLarka HotLarka is offline
 
Join Date: 17th December 2009
Posts: 15
Rep Power: 0 Points: 5
HotLarka is an unknown quantity at this point
Jatin bhai mene vo choti si bhool story parhi ,bilkul movie ki tarah feel hua ,u hv gr8 skills bro, hope is story me bhi kamaal dikhaoge .nice start jatin bhai god bles u

Reply With Quote
  #7  
Old 31st December 2009
halfhearted halfhearted is offline
 
Join Date: 17th August 2008
Posts: 488
Rep Power: 15 Points: 415
halfhearted has many secret admirershalfhearted has many secret admirers
Welcome back with a new story ....... lots of expectations from it, hope it gets fullfilled.. Best of Luck ..

Reply With Quote
  #8  
Old 31st December 2009
me4uinkolkata me4uinkolkata is offline
 
Join Date: 29th November 2005
Posts: 210
Rep Power: 21 Points: 342
me4uinkolkata has many secret admirers
UL: 22.28 mb DL: 269.97 mb Ratio: 0.08
Congratulations for starting the new story, i hope ki yeh story chhoti si bhool se bhi jyada famous ho, another gr8 start, continue d story bro.

Reply With Quote
  #9  
Old 31st December 2009
reema the golden gir's Avatar
reema the golden gir reema the golden gir is offline
 
Join Date: 25th August 2009
Posts: 957
Rep Power: 13 Points: 1235
reema the golden gir is a pillar of our communityreema the golden gir is a pillar of our communityreema the golden gir is a pillar of our communityreema the golden gir is a pillar of our communityreema the golden gir is a pillar of our communityreema the golden gir is a pillar of our community
ek nayi story wah y r great

Reply With Quote
  #10  
Old 31st December 2009
HotLarka HotLarka is offline
 
Join Date: 17th December 2009
Posts: 15
Rep Power: 0 Points: 5
HotLarka is an unknown quantity at this point
Jaldi post kro bhai wait ni ho raha

Reply With Quote
Reply Free Video Chat with Indian Girls


Thread Tools Search this Thread
Search this Thread:

Advanced Search

Posting Rules
You may not post new threads
You may not post replies
You may not post attachments
You may not edit your posts

vB code is On
Smilies are On
[IMG] code is On
HTML code is Off
Forum Jump



All times are GMT +5.5. The time now is 09:15 AM.
Page generated in 0.01822 seconds