Xossip

Go Back Xossip > Mirchi> Stories> Hindi > DEVTA BY Mohiuddin Nawab Chapter 2

Closed Thread Free Video Chat with Indian Girls
 
Thread Tools Search this Thread
  #21  
Old 7th June 2013
rmno57 rmno57 is offline
Custom title
 
Join Date: 14th November 2012
Posts: 2,389
Rep Power: 8 Points: 2559
rmno57 is hunted by the papparazirmno57 is hunted by the papparazirmno57 is hunted by the papparazi
Send a message via Skype™ to rmno57
next update u will receive soon

Last edited by rmno57 : 7th June 2013 at 03:09 PM.

  #22  
Old 7th June 2013
rmno57 rmno57 is offline
Custom title
 
Join Date: 14th November 2012
Posts: 2,389
Rep Power: 8 Points: 2559
rmno57 is hunted by the papparazirmno57 is hunted by the papparazirmno57 is hunted by the papparazi
Send a message via Skype™ to rmno57
Update 45

cham . cham cham ....... payal baj rahi thi ..........ab agay ............




me chonk kar us awaz ko sunne laga . dewar ke dusri taraf woh payal cham chamati hui bhagi jaa rahi thi , mene awaz ki simat mun utha kar kaha .


tum kon ho ? ruk jao . is makan ke andar aao . meri madad karo . agar tum akeli ho to apni basti ke logon ko bula kar lao , mujhe yahan zabardasti bandh kar rakha gaya he , meri madad karo .


meri cheekh-o-pukar ka jawab nahi mila . woh payal dodti aur qehqe lagate rahi pehle woh beruni darwaze ki janib dewar ke us paar sunai de rahi thi , phir woh meray baen taraf ki dewar ke paar gungunati chali gai . me idhar se udhar ludhkta hua awaz ki simat dekhta jaa raha tha. aur is ajnabi aurat ko pukarta jaa raha tha . jo payal chankati hui jaa rahi ti .


phir woh awaz tha, gai . kahin koi darwazah khulne ki awaz sunai di . shayad is kamre ke peechai bhi koi kamrah tha . jahan woh dakhil hui thi aur ab ahista ahista cham cham karti hui chali jaa rahi thi . uski chal se aur payal ki jhankar se pata chalta tha ke woh koi nokhaiz haseena hogi . budhi aurten payal to nahin bandhten .



mene is liye socha ke nokhaiz aur nadan ladki hogi to use asani se trans me lakar rasiyan khulwadun ga . bus yehi umeed ki kiran nazar aa rahi thi .






woh cham cham ki awaz is kamray me aa gai . jahan woh kali tabiat ka ajnabi dharna diye betha tha . me jaldi se ludhakta hua phir us darwaze tak pohanch gaya aur chokhat ke paar apna adha dhad nikal kar dekhne laga .



is ajnabi ke peechai ek darwazah tha . woh darwazah khula tha aur wahan woh khadi hui thi , surkh raisham ki choli ghaghray ki leher leher par ru pheli got lehra rahi thi . choli par rang barangi motian chamak rahi thi chandi ki payal , sonay ke kangan , kano me jhumkay aur galay me qeemti motion ki malaen then . uska badan chandi ki tarah ujla tha .aur is chandi ke badan par zaiwrat ka sunehra aks jhilmila raha tha . ghaghre ki surkhi . jawan khoon ki hudat bata rahi thi . halke neele rung ki choli me zeher ki nelahat chupi hui thi . is haseena ki rangat baik waqt ujli bhi thi . sunehri bhi thi , surkhi mail bhi thi aur zehreeli bhi . woh angdai nahi le rahi thi magar uske tamam badan ki har ada ek jazbati angdai ka saman paish karti he .


me ek lamhe ke liye bhool gaya ke me kahan hoon ? aur kis tarah muat ki khai me girne ke liye akhri kinaray tak aa pohancha hoon ? masaib ke andheron me bhi agar kahin roshni ka jhamaka ho to zara dair ke liye nigahen wahan jam jaten hen , mujh par bhi kuch aisi hi kaifiat tari ho gai thi .



woh door hi door se mujhe dekh kar badi nakhuat se muskrati aur ek shane beniazi se chalti hui meri taraf anay lagi . us ne sindoor se lambay hote daire me qadam nahi rakha . is dairay se katrati hui mere paas aai .woh jitni nazakat se chalti hui meray aai thi itni hi shaqawat se mere seenay par cham se paon rakhti hui boli .



kyon ray , hosh me atay hi yahan tak chala aya . chal apni jagah wapas jaa ........


ye kehkar usne ek thokar mari . me aur aurat ki thokar khaun mujh se bardash na ho saka . mene garakar use dekha . meri shola fashan ankhon se jesse chingarian choti hon ya bijlian kundi hoon , uske zehen ko ek jhatka sa laga . woh ladkhada kar zara peechai chali gai .



phir dusre hi lamhay uski ankhon me bhi khoon utar aya ,me foran hi khayalat padhne laga . woh soch rahi thi .


aray . is ki ankhon me to bijli bhari he . me sambal na jati to abhi mom ki tarah pighal jati .ye to koi giyani mahan padta he .


ye soch kar usne zaban se poocha .


kon he re tu ? sach sach bata tu kala ilm janta he ?



mene apni nigahon ki anch ko dheema kar diya . itna to samajh hi gaya tha ke woh meri nigahon ki hararat se nahi pighle gi . lehaza me apne ilm se use chonkna nahi karna chahta tha . mene anjaan ban kar poocha .



kala ilm kya hota he ?



hi,hi,hi,hi .! woh dono hath kamar par rakh kar hansne lagi . mujh se jhoot bolta he . aray teri ankhen bata rahi hen ke tu kalay mantron ka giyani he .


mujhe kala mantar ata to abhi tak in rasion se azad hojata .


usne ankhon siked kar aise dekha jesse meri baton ka yaqeen na aya ho . aisa bhi to ho sakta he ke tu humari mehnaton par pani phairne andar se taiyar betha ho aur oopar se apne ko majboor bata raha ho . me abhi maloom karti hoon ke to kitne pani me he .



ye keh kar usne dono paun zara sa phailaye aur dono hathon ko zara sa uthakar matakne lagi . kisi ajnabi zaban me koi sureela geet ganay lagi . badi raseeli awaz thi . woh ek makhsoos tal par matak rahi thi.



agar kisi ishrat kaday me woh aisi harkaten karti to dekhne wale jazbaat se bekabu hojate , magar is waqt woh mujhe zeher lag rahi thi ,thodi dair nachte aur gala arhne ke bad woh apna ek hath sinduri dairay ke andar lai gai .



mene herat se dekha . uski hatheli par ek nanha sa shola roshan ho gaya tha . woh apni hatheli dairay se bahar le aai . phir use apne mun ke qareeb ek phoonk mari .




phoon.......! woh nanha sa shola fiza me lehrata hua mere paas aya aur me achanak bhadakte sholon me ghirgaya . uf ! aisi jalan aur aisi aziat thi ke me idhar se udhar ludhakta hua cheekh raha tha . tadap raha tha shole mujhe jala rahay thay . me jhanum ki aag me jal raha tha . woh qehqe laga rahi thi aur keh rahi thi .



bachne ki koshish kar . agar ilm janta he to apna ilm kaam me laa . ye to mamooli se shobde bazi he . do takay ka jadugar bhi in sholon ko bujha sakt he . bujhao apnay jantar mantar se .



me aisa koi ilm nahi janta tha . is liye halaq kay bal cheekh raha tha .



me kuch nahi janta . suar ki bachi ! me koi mantar nahi janta . bujha day bujha day ...............



meri awaz dobne lagi . meri quat-e-bardast jawab dene lagi . isi waqt najanay usnay konsa amal kiya ke sholay achanak bujh gaye . mere tamam jism me thandak mehsoos hone lagi . ajeeb baat thi , jalne ke baad sozish baqi reh jati he . magar mere jism ke kisi hise me jalan ka ehsaas tak na tha . mene sar uthakar dekha to badan ke kapde bhi jun ke tun salamat the . un par zara bhi anch nahi aai thi .


woh meri herani par muskra kar boli .



me tujhe jalana nahi chahti . tu tu qurbani ka bakra he . aaj kali bili teray lahu se ashnan karay gi .



me bokhla kar us qos nima dao ko dekhne laga jo dairay ke andar ajnabi ke samne rakha hua tha . uski chamakti hui dhar mere lahu ki piyasi thi .



hahahaha! woh dono hath kamar par rakh kar hansne lagi . hansi ki taal par uske zarkhaiz jism ki boti boti tharak rahi thi . phir woh kehne lagi .



jahan tak humari pohanch he . wahan tak qanoon ke hath nahi pohanchte . ye makan ek faraib nazar he . bahar se dekho to sirf jangal ki jhadian nazar ati hen . nazar bandi aur samat bandi ka kala mantar aisa hi hota he ke kisi ki nazar hum tak nahi pohnchti aur humari awaz bhi kisi ke kano tak nahi pohanchti . tu lakh chilata rahay , yahan teri madad ke liye koi nahi aye ga .


woh theek hi keh rahi thi . me kitni baar cheekhta raha tha . magar koi meri madad ke liye nahi aya tha . aur unhoon nay mujhe is tarah be bus kar rakha tha ke me apni madad aap bhi nahi kar sakta tha . mere hath paon azad hote to me unke kalay mantron se bhi takra jata . ya to woh is duniya me rehte ya me reh jata . magar ab bachao ki koi surat nazar nahi aa rahi thi . sirf khuda yaad aa raha tha .



woh piyaal ki taraf jati hui boli .



apni jaga wapis aaja . me tujhe bhooka nahi marna chahti . marne se pehle tujhe khoob pait bharkar khalena chahiye .


woh mere qareeb se guzar kar jaa rahi thi . aur ab pusht ki taraf se nazar aa rahi thi .




uski chal hi aisi thi ,ya woh zaroorat se ziyadah itra kar chal rahi thi . me nahi janta , is waqt mere sar par woh quas nima dao latak raha tha . muat ko qareeb dekh kar bhook piyaas ud jati he , magar me zeheni aur jismani tor par chak-o-choband rehna chahta tha . tandrusti aur man durusti kisi waqt bhi kaam aa sakti thi , isliye me khanay par amadah ho gaya , is kachay farsh par ludhakta hua piyal par aa gaya .


usne chenkay par se handian utarne ke liye dono hath oopar uthaye . uski aidiyan bhi uth gaen . woh panjon ke bal khadi hui thi .



mene socha ke woh lakh jadu tone janti ho , uske bawajood jawan aur alhad dosheezah he , uspar ishq-o-muhabbat ke dao azma kar dekhna chaiye . agar woh jazbat me beh gai to me asani se rasian khulwa lun ga ..................





is dastan ke bakia waqiat agle update me padhiya ga .thanks

  #23  
Old 7th June 2013
rmno57 rmno57 is offline
Custom title
 
Join Date: 14th November 2012
Posts: 2,389
Rep Power: 8 Points: 2559
rmno57 is hunted by the papparazirmno57 is hunted by the papparazirmno57 is hunted by the papparazi
Send a message via Skype™ to rmno57
bhai log update dediya he

  #24  
Old 8th June 2013
rahil2saify rahil2saify is offline
 
Join Date: 5th October 2012
Location: delhi
Posts: 596
Rep Power: 7 Points: 1153
rahil2saify has received several accoladesrahil2saify has received several accoladesrahil2saify has received several accoladesrahil2saify has received several accoladesrahil2saify has received several accolades
Send a message via Yahoo to rahil2saify
haa update aa gaya he lekin pyaas nahi bhuji yaar

  #25  
Old 8th June 2013
rmno57 rmno57 is offline
Custom title
 
Join Date: 14th November 2012
Posts: 2,389
Rep Power: 8 Points: 2559
rmno57 is hunted by the papparazirmno57 is hunted by the papparazirmno57 is hunted by the papparazi
Send a message via Skype™ to rmno57
Quote:
Originally Posted by rahil2saify View Post
haa update aa gaya he lekin pyaas nahi bhuji yaar
khoon ka intzaam kar raha hoon . Shayad fsrhad razi ho jaye bali ke liye .

  #26  
Old 8th June 2013
rmno57 rmno57 is offline
Custom title
 
Join Date: 14th November 2012
Posts: 2,389
Rep Power: 8 Points: 2559
rmno57 is hunted by the papparazirmno57 is hunted by the papparazirmno57 is hunted by the papparazi
Send a message via Skype™ to rmno57
next update . u will receive soon

  #27  
Old 8th June 2013
rmno57 rmno57 is offline
Custom title
 
Join Date: 14th November 2012
Posts: 2,389
Rep Power: 8 Points: 2559
rmno57 is hunted by the papparazirmno57 is hunted by the papparazirmno57 is hunted by the papparazi
Send a message via Skype™ to rmno57
update 46

ishq-o-muhabbat ke dao azma kar dekhna chaiye . agar woh jazbat me beh gai to me asani se rasian khulwa lun ga .................ab agay ............





Woh chenkay par se handiyan utar kar mere paas beth gai . us ka ghaghra pindlion tak lehrata tha . magar bethte waqt woh ghutnon ke ooper tak uth gaya . me samajh gaya ke woh bohut badi harafa he . jaan bhooj kar meri nigahon ko ghutnon se ooper behka rahi he . mene bhi ek ashiq ki tarah jazbati lehje me kaha .


tum bohut haseen ho . tum mujhe ek baar marna chahti ho , me bar bar tum par marna chahta hoon . aisa lajawab husun mene zindagi me pehli baar dekha he .



woh ek bartan me alu bangan ki bhaji aur purian nikalti hui boli .



han . ye jism sach much lajawab he . ek bars pehle jab mene uske jism ko dekha to dekhte hi us par hazar jaan se ashiq ho gai thi .




uski bakwaas meri samajh me nahi aai . mene ta'ajub se poocha .


tum ne apne jism ko ek baras pehle dekha tha . kya is se pehle tum andhi then .


woh hansti hui boli .



me andhi nahi thi . budhi thi . satar baras ki budhi . ye jism jise tu dekh raha he mera nahi he . sirf rooh meri he . ye jism to mene ilm se hasil kiya he .



me herani se askhen phaad phaad kar use dekhne laga .



uski rooh satar baras purani aur jism naya tha . kya ye mumkin he ? jadu tone ke mutalik mene bohut kuch suna tha . us waqt ankhon se dekh raha tha . kisi dosheezah ke jism me ek budhi jadugarni chupi hui thi , ye aisi naqabil yaqeen baat thi ke apni ankhon se dekh kar bhi yaqeen nahi aa raha tha . mene poocha .



Tum ye kehna chahti ho ke tum darasal budhi ho , aur apne jadui amal se kisi nojawan ladki jism dakhil ho gai ho ?



Usne jawab diya .




Me budhi nahi hoon . kabhi budhi thi , magar meri rooh is jism me aa chuki he . to ab me jawan kehlaon gi . rooh kabhi budhi nahi hoti .tu is satar baras ya so baras purani keh sakta he , magar budhi nahi keh sakta , le ab pait bharle .



usne puri bhaji ka ek nawala banakar meri taraf badhadiya . mene rasion ki bandish me kasmasate huye kaha .

mere hath khol do , me apne hath se khaon ga .




nahi ! woh mere mun me nawala thonsti hui boli . mujhe nadan na samjho . keedar ne mujhe bataya he ke tu bohut khatarnak he .



kidar kon he ? mene poocha .



woh jo dusre kamre me betha jaap kar raha he .



dusre kamre se usi ajnabi shaks ke mantar padhne ki awaz sunai de rahi thi . mene kaha .


me behosh ho gaya tha . woh mujhe asani se ghaseet kar le aya he . phir woh kese kehta he ke me khatarnak hoon .



kidar ne kal raat us jangal me char admiyon ko dekha tha . un me se ek mar chuka tha . dusra dam tod raha tha aur baqi do buri tarah zakhmi ho kar girte padte bhaag rahe the .kya tu ne un logon se muqabla nahi kya tha ? han woh char nahi balke ath admi the .



Us haseena ki ankhen herat se phail gaen . me fioran hi uske khayalat padhne laga . woh soch rahi thi .



ath admi ? nahi jhoot kehta he . kya ek tanha admi ath dusmano ka muqabla kar sakta he ? magar . han , dekhne me to pahad he . chatan ki tarah mazboot he . agar jaan par ban aye to ath admion ka muqabla kar sakta he . kidar jaisa surma bhi manta he ke ye khatarnak he ..............




woh soch rahi thi aur beakhtiyar meray chatan jesse phaile huye seenay par hath phair rahi thi . mene moqe se faida utha kar kaha .



agar muqable par mard hon to ath kya atharah se bhi muqabla kar sakta hoon . magar ek haseen aurat ko dekhte hi marjata hoon .



woh mujh par jhukti hui boli .



Han . tu dekhne me aisa hi he ke koi bhi aurat tere liye aag me kood sakti he .



kuch dair baad me jadui sholon me lapta hua tha , woh sholay mujhay oopar se jala rahe the . magar ye shola mere andar pohanch kar bhadak raha tha . agar meray hath paon azad hote to me uski sari shokhian aur hastian bhula deta .



Itna to me shartia kehta hoon ke is waqt is par bekhudi aur masti ka alam tari ho gaya tha .



magar mujh se ek galti ho gai . me use aur ziyadah mutasir karne ke liye apne khayalat ki lehren uske is dimag tak pohanchane laga. uski dimaag me usi ki soch me kehne laga .





hai . Is qaidi ke andar kitne tufaan chupe huye hen . agar me uski rasian khol doon to ye mujhe aisi musraten de ga , jon aaj tak mujhe nahi mileen ..........


Har insaan ke andar do sochen hoti hen . musbat aur manfi . han aur na . iqraar aur inkaar . woh bhi piyaar karne ke duran apnay dimag se lad rahi thi .



nahi . me rasian nahi kholon gi .



kholon gi . ye bohut khatarnak he .



ye dushmano ke liye khatarnak he , magar meray husn ka sheedai he . mene use behkaya .



nahi , nahi , nahi ......... woh tadap kar mujh se alag ho gai aur mutehwish nazron se mujhe dekhne lagi .



mene foran hi ankhen band karlen . Is waqt meri ankhon me bala ki maqnateesi quat aa gai thi aur me nahi chahta tha ke woh is quat se waqif ho jaye . me samajh gaya tha ke woh thos iradon ki malik he , itni asani se meri mamoola nahi ban sakay gi .



Is waqt woh soch rahi thi .



mujhe kya ho gaya he . me hamesha atal faisla karti hoon . han ya nan . magar abhi mera faisla digmaga gaya tha. is mard ki waja se meri soch badal gai thi , galti meri hi thi ke me use piyar karne ke liye machal gai , yehi baten aurat ko kamzor banadeti hen , ab me use hath nahi lagaun gi . ye sach much bohut khatarnak he .........



woh atal faisla kar chuki thi , is liye ab uske dimag par jabran hawi hona danish mandi nahi thi . mene sard aah bhar kar kaha .




ye teri meherbanian kabhi nahi bhool sakta .


woh jhdak kar boli .


mujh se aisi baten na kar . me teri baton se pighalne wali aurat nahi hoon .



ye keh kar usne ek niwala meray mun me thons diya . mene luqma chabate huye kaha .


tumhen pasand nahi hen to me aisi baten nahi karun ga . sirf itna bata do ke ye khoobsurat jism kahan se chura kar lai ho ?



kahin se bhi lai hoon . tujhe is se kya lena he ?



han . is jism se ab mujhe kuch nahi milay ga . ye meray muqadar me nahi he . magar taaj mehel ki khubsurti dekh kar har shakhs poochta he ke ye kis ne banaya aur kese banaya ? me bhi ye maloom karna chahti hoon ke ye phoolon se tarasha hua jism kis badnaseeb ladki ka he jise tum ne hasil kiya he ,aur kese hasil kiya he ?



Ye me bhi janta hoon aur tum bhi janti ho ke aaj mujhe marjana he ye akhri waqt mujh par bohut bhari he . tum baten karti raho gi to ye waqt asani se guzar jaye ga . me jo kuch pooch raha hoon , kya uska jawab dene me tumhara koi nuqsan he ?



nahi . usne jawab diya . me bhi waqt guzarna chahti hoon . adhi raat ke baad tumharay khoon ki zaroorat paday gi . us se pehle woh nahi aye gi .



sami .


Sami kon he ?


wohi ladki . usne muskrakar jawab diya . jis ka jism tumhari ankhon ke samne he .




me is phool badan ko nai dil chasbi se dekhnay laga . meray samne sami bethi hui thi . magar woh andar se sami nahi thi . uska jism cheen liya gaya tha . aur rooh najane kahan bhatak rahi thi . mene kaha .



meray samne adhi sami he . kyoon kai rooh kai bagair koi mukamal nahi hota , ne is jism ko kya kahon , sami ya ek jadogarni ?



woh hasti hui boli , makan usi ke naam se pehchana jata he . jis ka us par qabza hota he . is jism par mera qabza he , is liye ye mere hi naam se pukara jaye ga . aur mera naam chamiya he .



Mene badmazgi se kaha .



jism hera , naam kankar ...........



Kankar ko heray ki chamak dene ke liye hi mene is jism ka khoobsurat laibal lagaya he . laibal khoobsurat aur jazb nazar na ho to maal koi nahi khareedta , is duniya ke bazar ka ye purana dastoor he . ab to baday baday dolat aur izat tak ki boli dete hen . aurat yehi chahti he ke log us ke liye tadapte rahen . uski arzo karte rehen . meri khuahish poori ho rahi he , magar afsoos ! me kisi dolat mand aur gabroo jawan ko apnana chahoon to use apna nahi bana sakti .




kyoon nahi bana sakten ?



woh nagawari se boli .



sami ki rooh bhatak rahi he . jab bhi me kisi mard ke paas jati hoon to woh mujhe pareshan karne ke liye aa jati he . woh nahi chahti ke uska ye jism kisi mard ke samne sasta ho jaye .


mene sami ki ankhon me jhank kar chamiya ki rooh se kaha .



Tajub he . tum jadu mantar janti ho . phir bhi sami ki rooh tumhen pareshan karti he . kya tum us par qaboo nahi paa sakten ?



Han ! Usne jawab diya . aaj me tumhari bhaint dekar use apnay qaboo me karoon gi .

  #28  
Old 9th June 2013
rahil2saify rahil2saify is offline
 
Join Date: 5th October 2012
Location: delhi
Posts: 596
Rep Power: 7 Points: 1153
rahil2saify has received several accoladesrahil2saify has received several accoladesrahil2saify has received several accoladesrahil2saify has received several accoladesrahil2saify has received several accolades
Send a message via Yahoo to rahil2saify
Quote:
Originally Posted by rmno57 View Post
khoon ka intzaam kar raha hoon . Shayad fsrhad razi ho jaye bali ke liye .








ha ha ha


lo miya apki story me bhi bhent ki baat chal rahi he ab is bare me kya kahenge aap?

Last edited by rahil2saify : 9th June 2013 at 02:21 AM.

  #29  
Old 9th June 2013
pondyservice1's Avatar
pondyservice1 pondyservice1 is offline
~$~ Unseen Desi videos 4 U ~$~
Visit my website
  Super Moderator: Moderator of all forums    Pornopedia of Xossip:     MasalaDesi Birthday Feast: Winner - Downloaders Category    MDTF: MasalaDesi Task Force    Gold Coins: Contributed more than $100 for XP server fund      
Join Date: 3rd June 2005
Location: NEAR U, THRO WWW
Posts: 266,610
Rep Power: 535 Points: 347020
pondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps databasepondyservice1 has hacked the reps database
UL: 55.72 gb DL: 41.95 gb Ratio: 1.33
on request
______________________________

Closed Thread Free Video Chat with Indian Girls


Thread Tools Search this Thread
Search this Thread:

Advanced Search

Posting Rules
You may not post new threads
You may not post replies
You may not post attachments
You may not edit your posts

vB code is On
Smilies are On
[IMG] code is On
HTML code is Off
Forum Jump



All times are GMT +5.5. The time now is 03:10 PM.
Page generated in 0.02205 seconds